American-Airlines-Flug 1420
| Dialäkt: Bärndütsch |
Der American-Airlines-Flug 1420 isch e Inlandslinieflug i de USA vom Internationale Flughafe Dallas/Fort Worth zum Flughafe Little Rock z Arkansas gsi. Bi der Landig am 1. Juni 1999 z Little Rock isch d MD-82 über d Landebahn uus gschosse. Bi däm Unfall sy der verantwortlech Pilot u zäh Passagier ums Läbe cho.
| American-Airlines-Flug 1420 | |
|---|---|
 Ds Frack vom Flug 1420 | |
| Unfall-Zusammenfassung | |
| Uufallart | Überrolle vo de Landebahn |
| Ort |  Little Rock National Airport, Little Rock, Arkansas, USA
|
| Datum | 1. Juni 1999 |
| Todesopfer | 11 |
| Lüt, wo überläbt hän | 134 |
| Verletzti | 110 |
| Luftfahrzüüg | |
| Luftfahrzüügtyp | McDonnell Douglas MD-82 |
| Betriiber | American Airlines |
| Kännzeiche | N215AA |
| Flugnummere | AA1420 |
| Abflughafe | Flughafe Dallas/Fort Worth
|
| Zilflughafe | Little Rock National Airport
|
| Passagier | 139 |
| Besatzig | 6 |
Zum Unglück
ändere
D Pilote vom Flug 1420 isch der Käpten Richard Buschmann u der Kopilot Michael Origel gsi. Der Käpten isch 48i gsi u der Kopilot 35i.[1] Der Buschmann isch e erfahrene Chefpilot vo de American Airlines gsi. Är het 10'234 Flugstunde uf em Buggel gha u öppe d Helfti dervo het är i der MD-80 absolviert. Der Kopilot Origel het hingäge weniger als es Jahr für d Airline gschaffet gha. Är het bis zum Unfall 4'292 Flugstunde absolviert gha.[1]
Lut em Flugunfallbricht vom National Transportation Safety Boards (NTSB) hei d Pilote vo de wächselhafte Windbedingige u vo de sogenannte Shear Wind (Wind Shear Alert uf änglisch), wäg em Gwitter, wo im choo gsi isch, gwüsst. Ursprünglech het d Flugsicherig d Pilote agwiise, d Landig uf der Pischte 22L dürezfüere. Wil der Wind geng ume d Richtig gänderet het, het du der Buschmann d Flugsicherig gfragt, öp är d Landig nid uf der Pischte 4R dörfi dürefüehre. D Flugsicherig het die Erloubnis ou erteilt.
Wo sech ds Flugzüüg im Landeaflug uf d Landebahn 4R befunde het, het sech es heftigs Gwitter diräckt über em Flughafe entlade. Di letschte Informatione, wo der Fluglotse a d Pilote het wytergä, hei beseit, dass der Wind us 330 Grad mit 28 Chnote isch cho. Die Agabe überschritte aber ds Limit vo der MD-82 für ne Landig bi Sytewind u nasser Landebahn. Mit däm Wüsse u em Wüsse vo de zwee Shear Wind, hätti der Landeaflug eigentlech müesse abbroche wärde. Doch der Käpten het sech derzue entschide, mit der Landig uf der Pischte 4R wyterzmache.
Wil d Pilote müed sy gsi u dür d Situation Stress hei gha, isch ihri Uufmerksamkeit ygschränkt gsi. Das het zu no meh Fähler gfüert. Under anderem hei si vergässe, d Outomatik für ds outomatische Uusfahre vo de Störklappe z aktiviere.
Nach em Uufsetze het der Kopilot gseit: „We’re down. We’re sliding“ (was öppe so vil heisst wi: „Mir sy dunde. Mir rütsche“) Si hei weder bemerkt, dass d Störklappe nid funktioniert hei, no hei si se manuell ygschalte. Darum het ds Flugzüüg grad mal 15 % vo der übleche Brämschraft gha.[1] D Pilote hei du letschtändlech d Kontrolle über d Maschine verlohre.
Ds Flugzüüg isch mit ere höche Gschwindigkeit bis a z Ändi vo der Landebahn grütscht, isch dert mit em ne Sicherheitszuun kollidiert u de mit em ne Stahlgrüscht vo der Pischtebelüüchtig vo der Pischte 22L zämetätscht. Am Ufer vom Arkansas River het ds Flugzüüg du gstoppet.
„"After departing the end of the runway, the airplane struck several tubes extending outward from the left edge of the instrument landing system (ILS) localizer array, located 411 feet beyond the end of the runway; passed through a chain link security fence and over a rock embankment to a flood plain, located approximately 15 feet below the runway elevation; and collided with the structure supporting the runway 22L approach lighting system."“ [1]
“Nachem Verlah vo der Landebahn het ds Flugzüüg einigi Röhre vom Lokalisierer vom Instrumäntelandesystem (ILS) grammt, wo am lingge Rand hinder der Pischte uf 411 Fuess usegugget hei. Si sy dür ne Sicherheitszuun u über ne Felse gschosse, wo sech öppe 15 Fuess underhalb vo der Pischte befunde het, u sy du mit der Belüchtig vo der Landebahn 22L kollidiert. (Überträgig vo der dütsche Übersetzig vom änglische Originaltext)
Settigi Befeschigunge sy üblecherwys so uusgleit, das si im Notfall liecht bräche. Dert sy si aber am Flussufer ufgstellt worde u drum sy si fescht verankeret gsi. I däm Fall isch das fatal gsi, wil ds Flugzüüg bim Uufprall i mehreri grösseri Teili verbrochen isch u so het afa brönne.
Der Käpten Buschmann isch uf der Stell tot gsi, wil är von ere Belüüchtigskonstrucktion uf der Pischte 22L isch troffe worde. Der Kopilot het sech schwär Verletzt u zäh vo de 139 Passagier sy ums Läbe cho.[1]
Di 14-jährigi Rachel Fuller, wo sech bi däm Unfall schwäri Verbrönnige zuezoge het, isch am 16. Juni gstorbe, nachdäm me ihre ds Bei amputiert het.[2]
D Schwäri vo d Verletzige bi de Kabinecrew:[1]
- Drei Persone mit schwäre Verletzige
- Ei Person mit liechte Verletzige
D Schwäri vo de Verletzige bi de überläbende Passagier:[1]
- 41 Persone mit schwäre Verletzige
- 64 Persone mit liechte Verletzige
- 24 Persone hei kei Verletzige gha
Ds Verhalte vo Pilote bi Gwitter
ändereExperte vom Massachusetts Institute of Technology hei in ere Studie ds Verhalte vo Pilote am Flughafe Dalles/Fort Worth undersuecht. Ds Houptougemerk isch d Frag gsi, öp Pilote währed em ne Gwitter lande. Bi 2000 Flüg, wo während em ne Gwitter hei sölle lande, sy zwöi vo drü Flugzüüg dür d Pilote glandet worde. Nur ei Drittel isch umgleitet worde oder het Schleife gfloge bis das ds Gwitter verby isch gsi. D Studie het ou ergäh, dass d Pilote rücksichtsloser sy gsi, we der Flug Verspätig het gha, bi Landige i der Nacht oder we ds Flugzüüg vor ihne im schlächte Wätter het chönne lande. Der Chefermittler vo der NTSB, der Greg Feith, het gseit: Är syg Überrascht vom Verhalte vo de Pilote. D Studie het zeigt, das ou ds branchenübleche Verhalte, mit zum Unfall vom Flug 1420 bytreit het. Der Greg Feith ergänst: D Pilote hei müglecherwys under em „get there-itis“ glitte (em umgedingte Wille a z cho). D Pilote hei gwüsst, das si naach am Ändi vo der erloubte 14-Stunde-Schicht sy.[3]
Medie
ändereDi erschti Folg vo der 1. Staffle vo der kanadische Fernsesändig Mayday – Alarm im Cockpit het das Unglück rekonstruiert. Der dütsch Titel vo dere folg heisst “Tödliche Eile”.[4] Je nach Episodelischte chas aber ou di zwöiti Folg vo der 1. Staffle sy.
Weblink
ändere- Flugzeug zerschellt und fängt Feuer. Artikel uf welt.de vom 3. Juni 1999 (Die Welt)
- Tote und Verletzte nach Flugzeugunglück. Artiekl uf spiegel.de vom 2. Juni 1999 (Spiegel Online)
Quelle
ändere- ↑ 1,0 1,1 1,2 1,3 1,4 1,5 1,6 National Transportation Safety Board: Aircraft Accident Report. Runway overrun during landing American Airlines flight 1420, McDonnell Douglas MD-82, N215AA. Little Rock, Arkansas, June 1, 1999. Washington, D.C., 23. Oktober 2001
- ↑ Andrea Harter: Flight 1420 plaintiff sobbingly testifies about her distress. In: Arkansas Online. 11. April 2001
- ↑ D. A. Rhoda, M. L. Pawlak: An Assessment of Thunderstorm Penetrations and Deviations by Commercial Aircraft in the Terminal Area. (Memento vom 4. Februar 2016 im Internet Archive) Project Report NASA/A-2. 3. Juni 1999 (PDF; 994 kB).
- ↑ Mayday-Alarm im Cockpit Tödliche Eile. dailymotion.com
|
Dä Artikel basiert uff ere fräie Übersetzig vu dere Version vum Artikel „American-Airlines-Flug_1420“ vu de dütsche Wikipedia. E Liste vu de Autore un Versione isch do z finde. |