Massachusetts Institute of Technology
S Massachusetts Institute of Technology (MIT) isch e Technischi Hoochschuel und Uniwersidäät z Cambridge, Massachusetts in de USA. Si isch 1861 gründet worde. S MIT gältrz as äini vo de füerende Eliteuniwesidääte uf dr ganze Wält und nimmt in internazionale Vergliich immer e Spitzeblatz ii.[2] D Hoochschuel isch e Mitgliid vo dr Association of American Universities, e Verbund vo füerende, forschigsintensive nordamerikanische Uniwersidääte, wo s sit 1900 git.
| Massachusetts Institute of Technology | |
|---|---|
| |
| Motto | Mens et Manus (Gäist und Hand) |
| Gründig | 1861, ufdoo 1865 |
| Drägerschaft | brivat |
| Ort | Cambridge, MA, USA |
| Bresidänt | L. Rafael Reif |
| Studänt*ene | 10'894 |
| Mitarbeiter*ne | 1'009 wüsseschaftligi Mitarbäiter |
| Stiftigsvermöge | 8,4 Mrd. US-Dollar[1] |
| Hochschuelsport | NCAA Division III |
| Website | mit.edu |
S MIT isch e brivati, nit-konfessionelli technischi Uniwersidäät, wo as ersti Chemii-Ääscheniöör usbildet het und wo Wirtschafts-, Sozial- und Gäisteswüsseschafte in d Ääscheniöörusbildig iibezoge het. Zur Zit studiere am MIT über 10'000 Studänte. S MIT isch stolz uf s hooche Niwoo vo dr Usbildig und bindet d Studänte scho früe in d Forschigsaktividääte ii.
D Hoochschuel lit am Charles River z Cambridge, diräkt wisawii vo Boston und bachab vo dr Harvard University.
Rund um s MIT het sich e Netz us Hoochtechnologii-Chliifirmene aagsiidlet: In de spoote 1990er Joor isch Risikokapital im Überfluss vorhande gsi, sodass vili Studänte e Hightech-Startup-Firma gründet häi.
D Hoochschuel isch au nd Gründigsorganisazioon und dr Sitz vom World Wide Web Consortium (W3C), em Standardisierigsgremium für s World Wide Web.
Sit 2002 macht s MIT nodinoo alli sini Kursunderlage über s Internet öffentlig zuegänglig und understützt eso d OpenCourseWare. Nume scho im MIT-OpenCourseWare-Projekt si eso fast 2000 Kürs in 33 Fächer verfüegbar gmacht worde.
Litratuur
ändere- Fred Hapgood: Up the Infinite Corridor: MIT and the Technical Imagination. Perseus Books, 1993, ISBN 0-201-08293-4
- Stewart Brand: How Buildings Learn: What Happens after They’re Built. Penguin, New York 1995, ISBN 0-14-013996-6
- Julius A. Stratton, Loretta H. Mannix: Mind and Hand - The Birth of MIT. MIT Press, Cambridge 2005, ISBN 0-262-19524-0
Weblingg
ändere
Commons: Massachusetts Institute of Technology – Sammlig vo Multimediadateie- MIT Homepage (änglisch)
- Hack gallery (änglisch)
- MIT Technology Review (änglisch)
Fuessnoote
ändere- ↑ MIT endowment rises 23 percent to $8.4 billion. Archiviert vom Original am 24. Juni 2007; abgruefen am 19. Oktober 2013., Associated Press
- ↑ THE-QS World University Rankings 2012. Abgrüeft am 19. März 2013.
Koordinate: 42° 21′ 32″ N, 71° 5′ 34″ W