Andrée Steinmetz-Meichel

D Andrée Steinmetz-Meichel (* 1949 im Château de la Verrerie z Mattstall) isch e franzesischi Lehreri un Autori.

Lääbe

Syt si vier Johr alt isch, läbt si z Minichhause am Rhy. Vu 1973 bis 2009 het si as Lehreri gschafft, vor allem as Dytschlehreri Collège z Selz. Syt 2009 isch si Räntneri.

Näbe ire Arbet as Lehreri het si an dr Fakultet fir Gaischtes- un Sozialwisseschafte an dr Uniwersitet z Charlsrue Filosofy un Literaturwisseschaft studiert un anne 1993 as Magistra Artium abgschlosse. Si het derno au as Ibersetzeri gschafft, unter anderem fir europäischi Bildigsprojäkt.

Si schrybt Gedicht un Prosa uf Franzesisch un Elsässisch, mänkmol au uf Dytsch. Anne 2012 het si ne Uuswahl vu franzesische Gedicht unter em Titel „A corps et à cris“ in dr Editions La Bruyère publiziert. Fir iri Poesy isch si scho mit verschideni Brys uuszaichnet wore, unter anderem mit em Concours International de Poesie anne 1978, bim Trophee Victor Hugo anne 1994 un em Prix Sylvie Reff anne 2019.

Si engaschiert si au bim Theater „La Chimere“ z Haguenau, wu historischi Freiliechtuffierige uf Elsässisch macht. Si macht mit as Schauspileri un un duet Stuck firs s Theater ibersetze.

Wärch

• A corps et à cris. Editions La Bruyère 2012. ISBN 978-2750007409. 104 S.
• Zum Gelobten Land verdammt. Claude Vigées Weg nach Jerusalem. Elster Verlag, Zürich 2017. ISBN 978-3-906065-43-4. 180 S.

Uuszaichnige

• Grands concours internationaux de poésie (Cercle International de la Pensée et des Arts Français): 1978
• Prix de la Poésie (Trophées Victor Hugo): 1994
• Prix Sylvie Reff: 2019
• Alemannisch läbt!: 2021

Literatur

• Un prix international pour la poetesse Andree Steinmetz-Meichel. In: Dernières Nouvelles d’Alsace, 14. Juli 2021
• Zur Person Andrée Steinmetz-Meichel. In: Alemannisch dunkt üs guet 1/2021: S. 26 (Online)