Angiras

De Angiras (Sanskrit: अंगिरस्, Aṅgiras m.) isch ann vo de sibe Waise (saptarishi) im Hinduismus. Em sind meriri Hymne im Rigveda gwidmet.

d Choladevi redt mitem Angiras

De Angiras isch e Soo vom Brahma und us demm sii Gaist entstande. Sini fier Fraue sind d Smriti („Erinnerig“), d Shraddha („Globe“), d Svadha („Opfer“) und d Sati („Wooret“). Er hett drai Söö, nämmli de Samvarta, de Utathya und de Brihaspati. Mengisch werd er mit em letschtee gliichgsetzt. Zodem isch er de Stammmvatter vom halbgöttliche Priestergschlecht Angirasas. Die wered mit verschidnige Füürarte und Himmelserschiinige i Verbindig broocht und si sind oo Bschützer fo Opferhandlige.

Literatur

• Roshen Dalal: Hinduism. An Alphabetical Guide. Penguin, New Delhi 2010, ISBN 0-14-341421-6, S. 29 f.
• Angiras. In: John Dowson: A classical dictionary of Hindu mythology and religion, geography, history, and literature. Trübner & co., London 1879, S. 16.
• Hans Wilhelm Haussig (Hrsg.): Götter und Mythen des indischen Subkontinents (= Wörterbuch der Mythologie. Abteilung 1: Die alten Kulturvölker. Band 5). Klett-Cotta, Stuttgart 1984, ISBN 3-12-909850-X.