Rishi

Rishi (Sanskrit: ऋषि ṛṣi m. „Waise, Poet, Seher“) isch im Hinduismus d Bizaichnig vomene Maa wo dör Inspiratio göttlichi Hymne empfange tuet. Under de file indische saagehafte Waise gits no di „sibe Waise“.

d Saptarishi

D Saptarishi (सप्तऋषि, saptaṛṣi „sibe Waisi“) geltet as Söö vom Brahma und sind us dem siin Gaist giboore, si weered o Prajapati gnennt. D Näme fo dene sibe Waise wered ferschide aaggee. Nochem indische Nationaalepos Mahabharata sind da de Marichi, de Atri, de Angiras, de Pulaha, de Kratu, de Pulastya und de Vasishtha. Noch de Shatapatha Brahmana sind s de Gautama, de Bharadvaja, de Vishvamitra, de Jamadagni, de Vasishta, de Kashyapa und de Atri. Mengisch wered o de Bhrigu und de Daksha dezue grechnet.

Die sibe Waise sind im Sternbild vom Grooss Wage versternt, so as jede Stern fo dem Sternbild de Name fomene Waise trait.