Anna Schreurs-Morét

D Anna Schreurs-Morét (* 11. Juni 1963 as Anna Schreurs) isch e dytschi Chunschthischtorikeri. Si lehrt zurzyt am Chunschtgschiichtlige Inschtitut vu dr Uniwersiteet Fryburg.

Lääbe un Wäärch

D Anna Schreurs-Morét het z Bonn un z Rom Chunschtgschiicht, Iteliänischi Filology un Stadtböu studiert. Si isch Mitgliid vum Bonner Graduiertekolleeg „Die Renaissance in Italien und ihre europäische Rezeption“ gsii un Stipändiati vu dr Fondazione Lemmermann z Rom. Anne 1995 isch d Schreurs-Morét mit dr Dissertazioon „Antikenbild und Kunstanschauungen des Neapolitanischen Malers, Architekten und Antiquars Pirro Ligorio (1513-1583)“ bim Gunter Schweikhart z Bonn promowiert woore. Derno isch s vu 1996 bis 2005 wisseschaftligi Assischtänti am Chunschtgschiichtlige Inschtitut vu dr Uniwersiteet Frankfurt gsii un vu 2006 bis 2011 wisseschaftligi Assischtänti am Chunschtgschiichtlige Inschtitut (MPI) z Floränz. Z Floränz het si au di wissenschftli Laitig vum Projäkt Sandrart.net (Online-Edizioon vu dr „Teutsche Academie der edlen Bau-, Bild- und Mahlerey-Künste“ 1675–1680 mit ere Kummäntierig dur e netzbasierti Foorschigskooperazioon) ghaa.

Anne 2010 het si si mit ere Aarbet iber „Joachim von Sandrart zwischen Text und Bild. Malerei und Dichtung in Zeiten des Dreißigjährigen Krieges“ habilitiert un het 2011 e Ruef an d Uniwersiteet Fryburg aagnuu, su si syterhäär as Brofässeri ir Chunschtgschiicht vu dr Frieje Neizyt foorscht un lehrt. Vu 2013 bis 2016 isch si au Stuudiedekaani fir akadeemischi Stuudiegäng gsii un vu 2016 bis 2018 Proodekaani im Dekanaat vu dr Filosofische Fakulteet. Syt Juuni 2015 isch si Stellverdrättendi Voorstandsvorsitzeri im wisseschaftlige Byyroot vu Perspectivia.net, dr Publikazioonblattfoorm vu dr Max Weber-Stiftig.

D Anna Schreurs-Morét isch Mitgliid vum Voorstand un vu dr Kunzäptgruppe vum Sunderfoorschigsberaich (chuurz SFB) 948 „Helden, Heroisierungen, Heroismen“. Si isch in dr eerschte Feerderfaase Laiteri vun eme Foorschigsprojäkt zum Theema „Kunst-Held versus Kriegs-Held. Heroisierung durch Kunst im Kontext von Krieg und Frieden in der Frühen Neuzeit“ (Mitarbaiteri Christina Posselt-Kuhli) gsii, in dr zwoote Projäktfaase het si ne chunschthistoorisch Projäkt iber „Grazia und Terribilità: Charismatisierungen des Künstlers als Phänomen des Heroischen in der frühen Neuzeit“ (Mitarbaiteri Jennifer Krieger) un zäme mit em Achim Aurnhammer un em Ronald W. Asch s Projäkt „Synthesen. Online-Kompendium und Handbuch „Helden – Heroisierungen – Heroismen““ in Kooperation mit dem OES (Open Encyclopedia System), am CeDiS, FU-Berlin, d Laitig doodervu het si au in dr dritte Feerderfaase (syt 2020 zäme mit em Ralf von den Hoff).

Si foorscht zue dr iteliänischi un dytsche Chunscht vu dr frieje Neizyt, dr Moolerei z Dytschland im 17. Jorhundert, zue dr Antikerezäpzioon im Itaalie vum 16. Jorhundert, dr Chunschttheory un dr Chunschtliteratuur vu dr frieje Neizyt, dr Gschiicht vu dr Chunstgschiicht / Wisseschaft im Internet zue dr Rezäpzioon vum Ovid un dr mytholoogische Schrifte vu dr Renaissance.

Fir iri Publikazioon Antikenbild und Kunstanschauungen des Neapolitanischen Malers, Architekten und Antiquars Pirro Ligorio (1513-1583) het si anne 2002 dr Hans-Janssen-Bryys vu dr Akademy vu dr Wisseschafte z Göttingen iiberchuu. 2013 het si dr Instructional Development Award (IDA) vu dr Uniwersiteet Fryburg iiberchuu fir s Lehrkunzäpt Wisse im Prozäss: „Kollaborativ erstellte Online-Publikationen von Studierenden an der Universität Freiburg“.

Am 25. Meerz 2022 isch d Schreurs-Morét zur Represäntanti vu dr Beruefsgruppe Hoochschuele un Foorschigsinschtitut im Dytsche Verband fir Chunschtgschiicht (Deutscher Verband für Kunstgeschichte, bis 2022: Verband Deutscher Kunsthistoriker) gwehlt woore.

Uusglääseni Publikazioone

• Antikenbild und Kunstanschauungen des neapolitanischen Malers, Architekten und Antiquars Pirro Ligorio (1513-1583) (= Atlas. Bonner Beiträge zur Renaissanceforschung Bd. 3). Köln 2000, ISBN 9783883753584.
• Ein europäischer Künstler aus Frankfurt: Joachim von Sandrart (1606–1688). Katalog zur Ausstellung des Historischen Museums Frankfurt am Main im Holzhausenschlösschen, 12.5.–2.7.2006, Frankfurt 2006.

as Rusgeeberi

• Joachim von Sandrart: Teutsche Academie der Bau-, Bild- und Mahlerey-Künste, Nürnberg 1675–1680. Wisseschaftli kommentierti Online-Edizioon, uusegee zäme mit Thomas Kirchner, Alessandro Nova, Carsten Blüm un Thorsten Wübbena, 2008–2012. (online)
• Aus aller Herren Länder: Die Künstler der Teutschen Academie von Joachim von Sandrart. Turnhout 2015 (Uusegee zäme mit Lucia Simonato un Susanne Meurer), ISBN 9782503553214.
• (uusegee zäme mit R. von den Hoff, Chr. Posselt-Kuhli, H.W. Hubert un F. Heinzer) Imitatio heroica. Heldenangleichung im Bildnis. Würzburg 2015, ISBN 9783956500954.
• (uusegee zäme mit K. Helm, H.W. Hubert, Ch. Posselt-Kuhli) Künstlerhelden? Heroisierung und mediale Inszenierung von Malern, Bildhauern und Architekten. Merzhausen 2015, ISBN 9783942919029.
• Unter Minervas Schutz. Bildung durch Kunst in Joachim von Sandrarts Teutscher Academie. Hrsg. v. Anna Schreurs unter Mitwirkung von Julia Kleinbeck, Carolin Ott, Christina Posselt und Saskia Schäfer-Arnold, Ausst.-Kataloge der Herzog August Bibliothek Nr. 95, Wiesbaden 2012, ISBN 9783447067775.
• Benvenuto Cellini – Kunst und Kunsttheorie im 16. Jahrhundert. Hrsg. von Alessandro Nova und Anna Schreurs, Köln 2003, ISBN 9783412110024.

Weblink

• d Anna Schreurs-Morét uf dr Homepage vum Chunschtgschiichtlige Inschtitut vu dr Uniwersiteet Fryburg
• Literatur vu un iber d Anna Schreurs-Morét im Kateloog vu dr Dytsche Nazionaalbibliotheek

Fueßnote

Dä Artikel basiert uff ere fräie Übersetzig vu dere Version vum Artikel „Anna_Schreurs-Morét“ vu de dütsche Wikipedia. E Liste vu de Autore un Versione isch do z finde.