Apache OpenOffice
Apache Openoffice isch e freyi Zämestellig vu Büroprogrämm, wo us sinem kommerziellem Brueder StarOffice entstande isch. Sini erscht Version isch am 1. Mai 2002 ussecho, momentan die neuscht Version vu OpenOffice.org hett d'Versionsnummer 3.4.1.
| OpenOffice.org | |
|---|---|
.svg){kind=logo}
| |
 Apache OpenOffice 4.0 under Windows 8 | |
| Basisdate | |
| Entwickler | Apache |
| Erschynigsjohr | 2012[1] |
| Aktuelle Version | 4.1.15[2] (22. Dezämber 2023) |
| Betribssystem | Microsoft Windows, Linux, Mac OS X, Solaris, FreeBSD und andri Unix-Varianten |
| Programmiersproch | C++, Java |
| Kategorii | Büro-Paket |
| Lizänz | LGPL |
| Dütschsprochig | ja |
| Alemannisch | nei |
| OpenOffice.org (dytsch) | |
StarOffice isch vu dr ditsche Firma Star Division us Hamburg as StarWriter entwicklet worre. Au nooch em Ufkauf durch Sun Microsystems isch Hamburg e Zentrum fier d'Entwicklig vu StarOffice/OpenOffice blibe, au wenn sither im Silicon Valley un in China witeri Zentre entstande sin.
Derivate
ändereLotus Symphony vu IBM un NeoOffice fier MacIntosh-Betribssysteme baue, wie au die kommerziell Version Star Office vu Sun Microsystems, uf OpenOffice uf.
Progrämm
ändereD'Zämestellig bestaht us verschidene Progrämm, wo zum Teil am Konkurrent Microsoft Office ähnle.
Writer
ändereDr Writer isch es vollwertigs Textbearbeitigsprogramm, zum Erstelle vu Brief, Dokument, Visitechartene oder grössere Sache wie Büecher. Es hät e Rechtschriibprüefigsfunktion, Silbetrennig und e Teamfunktion. In'd Dokument chame Tabelle, Grafike, Spaltene und Weblinks ihfüege. Es existiert e WYSIWYG-Funktion, so dass me via Chnopf-Drugg en beliebige Text fett/kursiv oder farbig mache chan. D'Dokument chame ins PDF-Format oder ins HTML-Format umwandle. Dr Writer chan au .doc-Dateie öffne, wo'me mit'm Microsoft Word erstellt hett.
Calc
ändereDs Calc isch es Tabellekalkulationsprogramm, wo me Text und Zahle mit analysiere, verarbeite und darstelle chan. In Calc ihbaut sind über 450 Funktione, mit dene me verschideni Tätigkeite mache chan, zum Bispiil verarbeite, rechne, darstelle (Datum und Zyt). D'einzeli Zellene chame formatiere, sperre oder verstegge. In Calc intigriert isch es Diagramm-Programm, mit dem me us mehrerne Zahle es Diagramm erstelle chan.
Impress
ändereMit'm Impress chame Präsentatione erstelle, um en Vortrag oder es Referat dur visuelli Informatione z'erwytere. Me chan mit Impress mehreri sogenannti Folie erstelle, die mit Text, Grafike und Tabelle illustriere und per Chnopf-Drugg zwüschet de Folie wechsle.
Base
ändereBase, s'Datebank-Modul, isch in dr alde StarOffice-Versione noch debi gsi, aber het in dr erschte Versione vu OpenOffice gfählt, isch aber sit Version 2.0 wiider debi. Dr Kauf vu dr schwedische Softwarefirma MySQL AB durch Sun wird Base as Frontend fier MySQL-Datebanke witter ufwerte, wil jetz MySQL besser mit Base verzahnt werre sott.
Math
ändereMath isch dr mathematisch Formeleditor vu OpenOffice/StarOffice. Er fählt in dr IBM-Version Lotus Symphony, wo derzit auch noch uf OpenOffice 1 ufbaut.
Dateiformate
ändereOpenOffice.Org un si kommerzielli Variante StarOffice beherrsche dur Filter die proprietäre Microsoft-Formate wie .doc, .xls oder .pps, verwende aber standardmässig ihr eiges XML-Format (.odt, odc), wo inzwische e vu dr ISO zertifizierte Standard isch, während des die alde Microsoft-Formate .doc, .xls un .pps trotz ihrer Verbreitig nit sin. Microsoft het si nöis Format OpenXML inzwische aber au zu ere Standardisierig bi dr ISO igreicht. Sälle Standardisierigsprozess verlauft aber derzit eweng schleppend. Gege d'ISO-Empfählig, au s'Microsoft-Format zu eme Standard z'mache, hän mehreri Staate Ispruch iglegt.
Lokalisierige
ändereOpenOffice.Org isch as e quelltextoffes Programm prinzipiell in jedere Sproch lokalisierbar. An e alemannischi Version het sich aber bisher no niemed traut. Microsoft het degege si Office uf Elsässisch lokalisiert. Während aber die elsässisch Lokalisierig vu MS-Office numme uf eme französische MS-Office lauft, isch es bi OpenOffice.Org ohni Problem mögli, so viil Lokalisierige z'installiere, wie mer will, wil s'Programm sufer in e sprochabhängige un e sprochunabhängige Deil trennt isch.
Weblink
ändere
Commons: OpenOffice.org – Sammlig vo Multimediadateie- ↑ Product Release. (abgerufen am 14. Dezämber 2020).
- ↑ Announcing Apache OpenOffice 4.1.15. 22. Dezämber 2023 (abgerufen am 25. Februar 2024).