Asperges
Asperges (làtiinisch aspergere, „ààschprìtza“) ìsch a Gsàng, womm’r ìn dr reemisch-kàthoolischa, àltkàthoolischa un ànglikànischa Kìrcha biim sunntigliga Taifgedachtniss sìnga.
_(cropped).jpg)
| Dialäkt: Mìlhüüserdiitsch |
.jpg)
Zitter dr Karolingerzitt hàt d’ pfàrrliga Gmaindamass àm Sunntig mìt dr Beschprìtzung vu dr Gmainda mìt Wäihwàsser àls Rainigungsritüs ààgfànga — daa Ritüs ìsch a Gedachtniss àn d’ rainigenda Kràft vum Taifwàsser gsìì.[1] Dr Ritüs vum Taifgedachtniss un vu dr Rainigung kààt ìn dr sunntigliga hailiga Mass s’ Schuldbekanntniss ärsätza. Ìn dr Oschterzitt sìngt maa s’ Vidi aquam schtàtt’m Geegagsàng Asperges me; bii dr Beschprìtzung wìrd s’ Taifwàsser gnumma, wo dr Priaschter ìn dr Fiir vum Oschternàcht gwäiht hàt. S’ Wort „Asperges“ ìsch àui a Bezaichnung fìr dr gsàmta Ritüs.
Dr Täkscht vum Gsàng üss’m Psàlm 51 lüütet:
„Asperges me, Domine, hyssopo, et mundabor: lavabis me, et super nivem dealbabor. Miserere mei, Deus, secundum magnam misericordiam tuam.“
„Äntsìndig mìch mìt Ysop, noh wìrri rain; wàsch mìch, un ìch wìrr wiisser àls Schnee. (Ps 51,9 EU) Gott, säig mir gnaadig noh diinera Huld, tìlg miina Freewel noh diim raicha-n-Ärbàrma (Ps 51,3 EU).“
Ysop ìsch a Pflànza mìt buschiga Zwiig, womm’r ìm àlta Israel àls Wäihbaasa bnutzt hàt. Ìm Levitikus (Lev 14 EU) wìrd vun’ra ritüälla Rainigung vu da Üsssätziga grädd, wumm’r sììwamol d’ Krànka un ìhra Wohnunga ààgschprìtzt hàt.
Vertoonunga
ändere- Anton Bruckner: Asperges me fìr a gmìschter Chor a cappella (WAB 4)[2]
- Franz Xaver Gruber: Asperges me zu zwai Schtìmma[3]
Weblìnks
ändere
Commons: Asperges – Sammlig vo Multimediadateie- dr Geegagsàng bii gregorien.info
- dr vollschtandiga Gsàng mìt Nootaschrìft bii YouTube
- s’ Taifgedachtniss mìt Asperges àm Ààfàng vu dr tridentiinischa Mass ìn dr Kìrìch St-Nicolas-du-Chardonnet z’ Pàriis, bii YouTube
Ainzelnoohwiisa
ändere- ↑ Josef Andreas Jungmann SJ: Missarum Sollemnia. Eine genetische Erklärung der römischen Messe. Herder Verlag, Wien, Friiburg, Bààsel, 5. Ufflààg 1962, Bànd 1, S. 554 un Bànd 2, S. 97.
- ↑ Hans Bauernfeind, Leopold Nowak: Kleine Kirchenmusikwerke. Internàzionààla Bruckner-Gsällschàft (IBG), 1984, abgruefen am 7. Februar 2023.
- ↑ Franz Xaver Gruber: Asperges me. In: Klassika. 4. Juni 2009, abgruefen am 17. April 2018.
|
Dä Artikel basiert uff ere fräie Übersetzig vu dere Version vum Artikel „Asperges“ vu de hochdütsche Wikipedia. E Liste vu de Autore un Versione isch do z finde. |