D Astrid Alexandre (* 5. April 1981 z Port-au-Prince, Haiti) isch e Schwyzer Liedermacheri un Radioschurnalischti.

„La Triada“ v. r. n. l.: Astrid Alexandre, Ursina Giger, Corin Curschellas

LääbeBearbeite

D Astrid Alexandre isch z Belgie un in dr Schwyz in ere belgisch-schwyzerische Familie ufgwachse, isch in dr Schwyz uf d Schuel gange. Derno het si s Lehrerseminar z Khuur absolviert un am Musikwisseschaftlige Seminar vu dr Universitet Baasel studiert. Si schafft as Redaktori bi Radiotelevisiun Svizra Rumantscha.[1]

D Alexandre singt vor allem uf Sursilvan, aber au uf Änglisch, Franzesisch un Schwyzerdütsch. Im Spootjohr 2014 isch ihre eerscht Soloalbum uusechuu. Vorhär het si zäme mit dr Corin Curschellas d CD Triada un Origins yygspiilt.

As Musikeri duet si bi Feschtival un uf Bihne in dr ganze Schwyz un au z Frankrych ufdrätte, as Solochinschtleri, Ensemblemitgliid un vylmol au zäme mit em Mario Pacchioli un dr Corin Curschellas. Si het fir Radiotelevisiun Rumantscha s erfolgrych Projäkt chant au tour iniziiert, wu rätoromanischi Sänger in dr Schwyz uf Tournee gange sin.[2]

Mit dr Corin Curschellas un dr Ursina Giger het d Alexandre s Trio „La Triada“ grindet, wu rätoromanische Volkslieder sammlet un dreistimmig uffiert.

DiskografyBearbeite

  • astrid alexandre, R-tunes, 2014[3]
  • Umbrivas, R-tunes, 2018[4]

UuszaichnigeBearbeite

  • 2015: Mediebryys SRG.R fir d Sändig Med Ursina i København[5]
  • 2016: Feerderbryys vu dr Stadt Khuur wäge „ihrer bezaubernden Stimme und ihrer mehrsprachigen, eigenkomponierten Lieder“[6]

WeblinkBearbeite

FueßnoteBearbeite

  1. Künstler Details - Astrid Alexandre (Memento vom 12. April 2018 im Internet Archive) In: r-tunes.ch, abgerufen am 11. April 2018.
  2. Pressetext LA TRIADA (Memento vom 12. April 2018 im Internet Archive) In: corin.ch, abgruefen am 11. April 2018. (PDF; 1,7 MB)
  3. Astrid Alexandre (Memento vom 12. April 2018 im Internet Archive) In: r-tunes.ch, abgruefen am 11. April 2018.
  4. Astrid Alexandre – Umbrivas (CD, Album) In: discogs.com, abgruefen am 11. April 2018.
  5. Medienpreis SRG.R geht an Radiojournalistin Astrid Alexandre (Memento vom 12. April 2018 im Internet Archive) In: srgd.ch, abgruefen am 11. April 2018.
  6. Schweizer Musikzeitung - Anerkennungs- und Förderpreise der Stadt Chur (Memento vom 4. Septämber 2019 im Internet Archive) In: musikzeitung.ch, abgruefen am 11. April 2018.
  Dä Artikel basiert uff ere fräie Übersetzig vu dere Version vum Artikel „Astrid_Alexandre“ vu de dütsche Wikipedia. E Liste vu de Autore un Versione isch do z finde.