Audogar

Dr Audogar het im achte und vilecht no bis am Afang vom nüünte Joorhundert gläbt; wenn er uf d Wält cho und au wenn er gstorben isch, weiss me nit gnau. Er isch dr erscht Apt vo Kempte gsi.

Dr Apt Audogar zäme mit zwe Mönch, es Bild i dr Chronik vo dr Königin Hildegard

Er het anne 752 s Chlooschter vo Kempten im Allgäu gründet.

Wo d Königin Hildegard, e Frou us Alemannie und d Frou vom Kaiser Karl em Grosse, es baar Joorzähnt spöter s Chlooschter starch understützt het – so dass men ere däm sini «zwöiti Gründerin» seit – isch dr Apt Audogar uf all Fäll no drby gsi.

D Hildegardschronik und anderi Kwelle säge sogar, dr Audogar und d Hildegard sige mit enand verwandt gsi.

Literatur

• Birgit Kata: Jubelfeiern zur Geschichte des Fürststifts Kempten. In: Birgit Kata u. a. (Hrsg.): Mehr als 1000 Jahre: Das Stift Kempten zwischen Gründung und Auflassung 752 – 1802. Kempten 2006, ISBN 3-980-76286-6.