August-Halm-Preis

Dialäkt: Schwäbisch

Dr August-Halm-Preis ischt a Auszoichnong, wo vo dr Staatlicha Hochschuel fir Musik Trossenga vrliha wuud. Dô drmit sollet Persona gährt werra, wo a äsdeedischs Wertebewusstsei hend ond des ferdra wellet durch Vrmiddlong vo-ra guada Musik. Seit 1989 ischt seller Preis em Abstand vo drei Jôhr dreimôl vrgeaba wôrra (jeweils 20.000 DM). Dô drnôch isch koi Geld meh vorhanda gwäa. Bewerba om dean Preis hôt mr sich et kenna; a ooabhengiga Fachjury hôt entschiida, wer-en kriagt hôt. Benannt wôrra isch dui Auszoichnong nôch-em Kombonischda, Musikpädagoga ond Musikschriftsteller August Halm. Wia’s mit deam Preis weidrganga soll, ischt oogwiss.

Preisträger

• 1989: Ernest Bour, Chefdirigent vom Radio-Symphonie-Orkeschtr Stuegert
• 1992: Aloys Kontarsky, deitscher Pianischt ond Hochschuellehrer
• 1995: S Freiburger »ensemble recherche«

Weblinks

• Beschreibong vom August-Halm-Preis
• A Artikl us dr Schwäbischa Zeidong vom 13. Auguscht 2003 ibr da August-Halm-Preis ond d Frôg, wia’s mit sellra Auszoichnong noh weidrganga soll