Aurelia Burckhardt

e Schwizer Reschisööri, Schauspilleri und Kulturmanageri

D Aurelia Julia Sophia Burckhardt (* 27. Dezämber 1974 z Bärn) isch e Schwyzer Reschiseeri, Schauspiileri un Kulturmanageri.

d Aurelia Burckhardt 2016

LääbeBearbeite

Dr Vater vu dr Aurelia Burckhardt isch dr Schwyzer Hischtoriker Andreas Burckhardt gsii, iri Mueter Annamaria Regazzoni isch e iteläänischi Dolmetscheri. Si isch mit ire Familie in dr Schwyz ufgwachse.[1] No dr Schuel isch d Aurelia Burckhardt ab 1994 uf s Konservatorium vu dr Stadt Wien gange.[2] Zuesätzli het si ne Danzuusbildig bi T-Junction z Wien gmacht, em Vorlaifer vum Tanzquartier Wien. Vu 2004 bis 2006 het si bim Wiener Danz- un Performance-Verain Im_flieger as Kuratori un in dr Finanze gschafft.

Vu 2005 bis 2007 het d Burckhardt Engaschmänt as Schauspiileri am Schauspielhuus Wien ghaa. Si isch vu 2006 bis 2010 Ensemblemitgliid vum Wiener Performancekollektiv Theatercombinat unter dr Laitig vu dr Claudia Bosse gsii.[3] E Nääberoll as Nunne im Spiilfilm Lourdes (2009) unter dr Reschy vu dr Jessica Hausner isch ire Yystand as Filmschauspiileri in eme Kinofilm gsii, wu anderi Rolle druf chuu sin. Si isch Dail vu dr european film conspiracy mit internazionaal erfolgryyche Film wie Soldate Jeannette wie au WINWIN.

Vu 2009 bis 2010 het d Burckhardt e Kulturmanagement-Leer an dr Universiteet Wien absolviert.[2] Si duet Chinschtler*ne bi Uusstellige in Musee verdrätte, wie zem Byschpel em MAK un em Kunsthistorische Museum oder in Galerie wie zs art oder dr Galerie Lukas Feichtner z Wien.

Si läbt mit irem Mann un irem Suun (* 2002) z Wien.

FilmografyBearbeite

  • 2001: inner amok
  • 2008: Past Forward
  • 2008: Das Spiel ist aus
  • 2009: Lourdes
  • 2010: Sleeping Perv Is World Famous for 5 Minutes
  • 2012: Annamaria (Reschy, Draaibech, Produkzioon)
  • 2013: Im Augenblick. Die Historie und das Offene
  • 2013: Mein blindes Herz
  • 2013: Soldate Jeannette
  • 2013 99 Cahaya di Langit Eropa
  • 2016: Abschied vom Burschen
  • 2016: WiNWiN
  • 2017: casa dov´è? (Reschy, Draaibech), produziert fir stark + vernetzt
  • 2019: Kaviar

WeblinkBearbeite

  Commons: Aurelia Burckhardt – Sammlig vo Multimediadateie

FueßnoteBearbeite

  1. Andreas Burckhardt. Andreas Burckhardt Stiftung, archiviert vom Original am 12. Mai 2016; abgruefen am 12. Mai 2016.
  2. 2,0 2,1 Aurelia Burckhardt. Swiss Films, archiviert vom Original am 12. Mai 2016; abgruefen am 12. Mai 2016.
  3. Aurelia Burckhardt. (Nicht mehr online verfügbar.) Stimm-Werk, archiviert vom Original am 5. Juni 2016; abgruefen am 12. Mai 2016.Vorlage:Webarchiv/archiv-bot


  Dä Artikel basiert uff ere fräie Übersetzig vu dere Version vum Artikel „Aurelia_Burckhardt“ vu de dütsche Wikipedia. E Liste vu de Autore un Versione isch do z finde.