Bündner Synode
D Bündner Synode (frühener evangelisch-rätische Synode) isch es eigeschtändigs Organ vo de reformiirte Bündner Landeschile, wo es Petitions- und Aatragrächt bim Bündner Chilerat (Exekutive) und em Evangelische Grosse Rat (Exekutive) het. Si gits sit em 1537 und isch - im Gegesatz zum suschtige Gebruuch vom Wort Synode - nöd s Parlament von de Bündner Chile, sondern d Versammlig vo de Bünder Pfarrerinne und Pfarrer.
Bis hüt isch es d Ufgab vo de Bündner Synode, Kandidatinne und Kandidate für es reformiirts Pfarramt im Bündnderland z prüfe und si dadermit in d Synode ufznäh. Si tritt einisch im Johr für füf Täg zämme und zwar immer vom Donnschtig vor em letztschte Junisunntig bis zum Mentig druf. Gleitet wird d Synode vom dreiköpfige Dekanat, wo us em Dekan und zwei Vizedekän bstoht. Dekan isch bis Endi 2014 de Thomas Gottschall. Bi de Synode 2014 isch d Cornelia Camichel Bromeis zu sinere Nachfolgerin gewählt worde.