BOB ABeh 4/4 I

D BOB ABeh 4/4 I sind meterspurige Elektrotriebwagen vo der Berner-Oberland-Bahn (BOB) iner Schwiz für gemischten Adhäsions- und Zahnradbetrieb gsi, härgstellt vo der Schweizerische Industrie Gesellschaft (SIG), der Schweizerische Lokomotiv- und Maschinenfabrik in Winterthur (SLM) und vo Brown, Boveri & Cie. (BBC).

BOB ABeh 4/4 I
ABeh 4/4 I 307 im Bahnhof Wilderswil
Nummerierig:	304-308, 310
Hersteller:	SIG, SLM und BBC
Baujohr:	1965 und 1979
Achsformel:	Bo' zz Bo' zz
Spurwiiti:	1000 mm
Längi über Kupplig:	17,020 m
Höchi:	3940 mm
Breiti:	2680 mm
Dreihgstellachsstand:	3050 mm
Dienstmasse:	44 t
Höchstgschwindigkeit:	70 km/h (Adhäsion) 30 km/h (Zahnstange)
Afahrzugkraft:	157 kN
Triibraddurchmässer:	778 mm
Zahnradsystem:	Riggenbach/Von Roll
Stromsystem:	1500 V =
Sitzplätz:	12 (1. Klasse) 32 (2. Klasse)

Geschichte

Nach der Inbetribnahm vo de erschte drei Tribwage ABDeh 4/4 im Jahr 1949 het me d Fahrleischtige erhäblich chönne erhöhe. Da me mit drei Tribwage aber nur d Hälfti vo de Leischtige het chöne übernäh, chöme d Lokomotive HGe 3/3 21 bis 28 u 29 witerhin zum Isatz, di aber de Nachteil vore dütlich nidrigere Maximalgschwindigkeit hei gha. Us Chostegründ isch e witeri Ufstockig vom Tribwagebestand ned möglich gsi.

1957 trit es neus Schweizer Eisenbahngesetz in Chraft, wo finanzielli Hilf vo de Kantön und vom Bund vorschribt. Mit der finanziell Verbesserig macht sich d BOB sofort an d Entwicklif und Planig vome passende Fahrzüg. Im Jahr 1965 sind zerst die füf Tribwage 304 bis 308 gliferet worde, was glengt het für zämme mit de drei ABDeh 4/4 de gsamt Betrib mit Tribwage zu übernäh, d Lokomotive wärdent im Normalbetrib nüme brucht.

Im Jahr 1979 sind zwei weiteri baugleichi Tribwage 309 und 310 abglifert worde, wobi der Tribwage 309 im Jahr 1999 an d Bayerische Zugspitzbahn verchauft worde isch.

Technisch

Bim ABeh 4/4 I isch uf es Gepäckabteil verzichtet worde für es grössers Erstklass-Abteil ibaue z chöne. Äbefalls isch uf de Ibau vore Rekuperationsbremse verzichtet worde, da di bi de ältere Tribwage nie richtig funktioniert het und het müesse usbaut wärde. Als wesentlichi Neuerig chan de abkuppelbar Adhäsionsatrib uf Zahnstangestrecke agseh wärde. Mit 1000 kW Leischtig sind d nün Tribwage wesentlich stärcher als d alte gsi.

Betrieb

Nach der Ablifrig vo de neue ABDeh 8/8-Tribzüg, sind d ABeh 4/4 I schrittwis usem Vercher zoge und usrangiert worde, bis me si im Jahr 2018 alli bis uf 304 und 310 verschrotet het.

Weblinks

 Commons: BOB ABeh 4/4 I – Sammlig vo Multimediadateie

Vagonweb.cz

JB / BOB Automotrices ABeh 4/4 304 - 310