S Badener Tagblatt isch e Zitig gsi, wo z Bade im Aargau erschine-n-isch. Si het im November 1996 mim Aargauer Tagblatt fusioniirt un heisst sither Aargauer Zitig. Sit em 31. Oktober 2014 erschiint d Ziitig z Bade und in de Gmeinde in de Umgäbig wider unter em Titel Badener Tagblatt[1]

Gschicht ändere

S Badener Tagblatt isch im Johr 1856 vom Joseph Zehnder gründt worde. Im Johr 1896 het sin Enkel, de Otto Wanner d Zitig übenoh, wo bis zu de Fusion im Johr 1996 im Bsitz vo de Familie Wanner blibe-n-isch.

Zerscht het d Zitig de Näme Tagblatt der Stadt Baden gha, aber ab em Johr 1870 het si Badener Tagblatt gheisse. S Verbreitigsgebiet vo de Zitig isch aber grösser gsi wi d Region Bade. Au s Freiamt het derzu ghört, wo Regionalusgabe erschine sin, nämlich s Bremgartner Tagblatt u s Freiämter Tagblatt. Wil d Region Bade am End vom 19. Johrhundert en induschtrielle Ufschwung erläbt het, wo bsunders mit de Aasidlig vo de BBC verbunde isch gsi, het au s Badener Tagblatt e immer grösseri Uflag übercho, wo zwischezitlich bi me wi 50'000 Exemplar isch gsi. D politischi Usrichtig vo de Zitig isch am Freisinn orientiirt gsi.

Nach em Wegfall vom Titel durch d Fusion vom November 1996, het de Verlag s Badener Tagblatt Endi Oktober 2014 wider noi lanciirt und bringt in 31 Gmeinde in de Region Bade wider e Zitig mit dem traditionsriiche Name uf de Märt.

Weblink ändere

Einzelnochwiis ändere

  1. AZ-online: Transparent am az-Hochhaus kündet das «Badener Tagblatt» an