Badischi Schdoolwärk

Badische Stahlwerke
Unternähmensform	GmbH
Gründig	1955
Sitz	Kääl
Leitig	Markus Menges (Kaufmännischi Gschäftsfiirung); Michel Hamy (Technischi Geschäftsfiirung);
Mitarbeiter	800 (1200 inkl. Doochterunternämme)
Umsatz	1 Mrd. Euro
Branche	Stahlrecycling
Uffdritt im Netz	http://www.bsw-kehl.de

Dialäkt: Oberrhiinalemannisch

D Badischi Schdoolwärk GmbH (BSW) isch e Schdoolhärschteller z Kääl. Mit de Hilf vo zwai Lichtbouweeefe produziirt s einzigi Schdoolwärk vo Bade-Wirttebärg us Schrott Schdool fir d Beweerung in de Bauinduschdrii.

Geografischi Lag

S Wärk isch uf de Londzung, wo a de Mindung vu de Kinzig in de Rhin zwischä dänne baide Fliss laait.

Gschicht

S Undernämme isch us de 1955 vum Willy Korf gägrindete Siiddytsche Drootverarbaidungs-GmbH hervorgongen. 1966 hät de Korf e Wolzwärk i Btriib gnomme, wobai er s Vormotrial, d Knibbel, zunäkscht noch zukaufe hät misse. 1968 hän zwai Lichtbouweeefe, zwai Schtranggiißanlooge un e widdares Wolzwärk iire Btriib ufgnomme; glaichzittig hät d Gsellschoft iire hittige Nomme aagnomme.

Im Novämber 2009 isch e Produktionserheehung vo bishär 2,2 Millione uf 2,8 Millione Tonne Schdool vum Regiirungspräsidium Friiburg gnämigt worre. Dzu wärre in de näkschde Joor bis zu 300 Millione Euro, unter Ondarem in e naije Stromversorgung, e naijer Lichtbouweofe un naiji Pfonneeefen, inwäschdiirt.^[1] Braids im Friijoor 2008 sin im Zug vum Inwäschditionsprogramm e naiji Pfort, e naiji KFZ-Wärkstott un e naijer Schichtschtitzpunkt fir ca. 5 Millione Euro aingwiid worre.^[2] Anfang 2009 isch dann e naijes Wendekiilbett fir aini vu de Stranggießaalage fir 5,5 Millione Euro gfolgt. D Badischi Schdoolwärk sin e Mitgliid im Verband vu dr Saarhütte.

Produktion

D Jooresschdoolproduktion isch 2008 bii circa 2,2 Millione Tonne glaaije,^[3] was circa 5 % vo de ditsche Schdoolproduktion äntschpricht. Gmesse am Verhältnis vo de Jooresproduktion zu de Blägschoft vo knapp 800 Mitarbaider zääle d BSW weltweit zu de Stoolwärke mit de häkschde Produktivität. 1968 hät d Jooresproduktion nur circa 150.000 Tonne betraan.

D wichtigschde Produkte sin Schtoobstääl mit Durchmässere vo 10 bis 40 mm un Wolzdroot vo 5,5 bis 14 mm gerippt fir d Härschdellung vo Bwehrungsprodukte wii Bäddongschdoolmatten.

Wäblink

Offizielli Wäbsit
tu-harburg.de/. (Site cha nüme abgrüeft wärde; Suche im Webarchiv)[1] [2] Vorlage:Toter Link/www.tu-harburg.de. (Site cha nüme abgrüeft wärde; Suche im Webarchiv)[3] [4] Vorlage:Toter Link/www.tu-harburg.de. (Site cha nüme abgrüeft wärde; Suche im Webarchiv)[5] [6] Vorlage:Toter Link/www.tu-harburg.de - Bericht vun arre Exkursion vo de TU Harburg nooch Kääl (PDF-Datei. 565 kB)

Fueßnoot

↑ baden-online.de: BSW darf mehr Stahl schmelzen
↑ baden-online.de: Die Stunde der Töchter
↑ baden-online.de: Seit 40 Jahren Stahl aus Kehl

Dä Artikel basiert uff ere fräie Übersetzig vu dere Version vum Artikel „Badische_Stahlwerke“ vu de dütsche Wikipedia. E Liste vu de Autore un Versione isch do z finde.

[1] -online.de: BSW darf mehr Stahl schmelzen

[2] -online.de: Die Stunde der Töchter

[3] -online.de: Seit 40 Jahren Stahl aus Kehl

[1]

[2]

[3]