Badische Volkspartei
| Badische Volkspartei (BVP) | |
|---|---|
| Parteivorsitzr | Robert Albiez (1959–60)[1] Karl Glunk (1960–70)[1][2] |
| Landesgschäftsfüerer | Heinz Dörr (1959–70)[1] |
| Gründig | 5. Juni 1959 |
| Gründigsort | Kallsruh |
| Auflösung | 1970 |
| Uusrichtig | Chrischtdemokraty |
Di Badisch Volksbartei (dt. Badische Volkspartei, BVP) isch e Regionalbartei z Bade-Wirttebärg gsii. Si isch am 5. Juni 1959 z Kallsruh grindet wore. Ire wichtigscht Zyl isch d Uflesig vum Sidweschtstaat, wu s syter 1952 gee het, uf bolitisch-barlemäntarischem Wäg gsii, go d s Land Bade widerhärstelle. Ire erscht Vorsitzer isch dr Studierot Robert Albiez (* 1922) gsii.[3]
Us wahltaktische Grind het si d BVP am 6. Merz 1960 mit dr Dytsche Bartei (DP) zämegschlosse. Offiziäll isch d Bartei DP/BVP gnännt wore. Uf em Wahlschyy isch si as DP ufgfiert wore. Si het bi dr Landdagswahl 1960 mit 1,61 % d 5-%-Hurd dytli verbasst. S bescht Ergebnis het si mit 4,3 % im Regierigsbezirk Fryburg ghaa. Em Leo Wohleb sy Witfrau Maria het z Fryburg-Stadt 9,2 % vu dr Stimme iberchuu. No dr Landdagswahl het si d BVP am 18. Septämber 1960 wider vu dr DP drännt. No dr Durfierig vum zweete Volksentschaid 1970, wu d Burger vu Bade derfir gstimmt hän, ass Bade-Wirttebärg blybt, het si d BVP ufglest.[1]
Dr Heinrich Berggötz isch 1959 as ainzige kommunale Verdrätter vu dr BVP in Kallsruher Gmainsrot gwehlt wore.[4]
Vum Programm un der Lyt här het s Iberschnydige mit em Haimetbund Badnerland (1952–70) gee.[1]
Weblink
ändere- Badische Volkspartei im Stadtlexikon Karlsruhe
Fueßnote
ändere- ↑ 1,0 1,1 1,2 1,3 1,4 Bestand 69 Badische Volkspartei. Einführung im Landesarchiv Baden-Württemberg.
- ↑ Ein Original feiert 90. Geburtstag. Südkurier, 16. April 2015, abgruefen am 24. Januar 2017.
- ↑ Altbaden bläst zum Angriff In: Die Zeit Nr. 24 vum 12. Juni 1959
- ↑ Günter Opitz: Berggötz, Heinrich. In: Fred Ludwig Septainter (Hrsg.): Baden-Württembergische Biographien. Band V, Kohlhammer, Stuttgart 2013, ISBN 978-3-17-024863-2, S. 24–26, hier S. 26.
|
Dä Artikel basiert uff ere fräie Übersetzig vu dere Version vum Artikel „Badische_Volkspartei“ vu de dütsche Wikipedia. E Liste vu de Autore un Versione isch do z finde. |