Basler Sanatorium

S Basler Sanatorium, wo 1886 gründet worden isch, isch vo de Brüeder Kelterborn z Davos baut worde. Es isch s erste Sanatorium für unbemittleti tuberkulosechranki Baasler gsi.

S Baasler Sanatorium um 1900

Dialäkt: Baseldütsch

Vorhär hai sich s nume die oberste Gsellschaftsschichte chönne leiste, Tuberkulose z behandle. Für chranki Lüt us de ermere Bevölkerigsschichte, wo d Tuberkulose au sehr vil hüfiger vorcho isch, isch d Diagnose e definitivs Dodesurteil gsi, wil si e Therapii, wo au nume e Chance gha het, dr Chrank gsund z mache, ganz eifach nit häi chönne zaale. Dr Dr. Adolf Hägler-Gutzwiller het sich doorum für e Sanatorium fürs Volk iigsetzt, für zum dr grooss Underschiid in dr Behandlig vo arme und riiche Basler Tuberkulöse z verchliinere. S Basler Sanatorium isch wit über Graubünde und d Schwiz uuse zum Vorbild für sozial motivierti Lungesanatorium in ganz Europa worde. In de 1950er Johr isch s Sanatorium umbaut worde und mit dr Iifüehrig vom Pennicilin het d Tuberkulose besser chönne bekämpft wärde. Noch fast hundert Johr isch s Sanatorium 1985 zuedo und verchauft worde.