Baasler Versichrige
| Dialäkt: Baseldütsch |
Under em Naame Baasler Versichrige dräte d Dochdergsellschafte vo dr Bâloise Holding AG in dr Schwiz und z Dütschland uf.
| Basler Versicherungen Schweiz | |
|---|---|
| |
| Unternähmensform | Akziegsellschaft |
| Gründig | 2. Mai 1864 |
| Sitz | Baasel, Schwiz |
| Branche | Versicherigswääse |
| Uffdritt im Netz | www.baloise.ch |
| Basler Versicherungen | |
|---|---|
|
| |
| Unternähmensform | Akziegsellschaft |
| Sitz | Bad Homburg vor der Höhe, Dütschland |
| Leitig |
|
| Mitarbeiter | 1.500 |
| Umsatz | 760 Mio. EUR buechti Bruttobiidrääg |
| Branche | Versicherungswesen |
| Uffdritt im Netz | www.basler.de |
Baasler Versichrige Schwiz
ändereD Baasler Versichrige Schwiz isch die grössti Gschäftsäihäit vo dr Baloise Group. D Baasler Versichrige und d Baloise Bank SoBa agiere gmäinsaam as fokussierte Finanzdienstläister, e Kombinazioon vo Versicherig und Bank.
D Baasler het iire Fokus uf umfassendi Löösige für Versicherig und Vorsorg. D Baloise Bank SoBa versterkt s Vorsorgaagebot mit Bankbrodukt, wo über e Ussedienst vo dr Versicherig und d Bank sälber aabote wärde. Mit baloisedirect.ch het d Baasler Middi 2007 en äigeni Onläin-Versicherig ufdoo, wo mä cha Auti-, Döff-, Husgräät-, Rächtsschutz- und Räiseversichrige cha abschliesse.[1] baloisedirect.ch isch im Mai 2018 abgstellt worde. Hüt wärde die Brodukt über baloise.ch verdriibe.
S Undernääme isch am 2. Mai 1863 noch em sognennte Brand vo Glarus im Kantonshauptort Glarus as Baasler Versicherigsgsellschaft gege Füürschääde u. a. vom Industrielle Daniel August Alioth (1816–1889) und Vater vom Ludwig Rudolf Alioth gründet worde. 1864 het d Baasler Füür iir Gschäft uf d Beriich Dransbort und Lääbe usgwitet. In de Joor druf si no mee Versicherigssparte drzuechoo.
S Undernääme het öbbe 3300 Mitarbäiter.
Baasler Versichrige Dütschland
ändereUnder dr Dachmarke Baasler Versichrige dräte die dütsche Döchder vo dr Schwizer Bâloise-Grubbe Baasler Sachversicherigs-AG, Baasler Lääbesversichrigs-AG und Baasler Financial Services GmbH uf em dütsche Määrt uf.
Bis zum 31. Januar 2007 het s Undernääme dr Naame Baasler Securitas Versichrige ghaa.
D Baasler Versichrige si us ere Fusioon vo dr Securitas Bremer Allgemeine Versicherungs-AG und der Basler Versicherung Deutschland entstande und häi iire Sitz z Bad Homburg vor der Höhe. Deren iire Mueterkonzärn Bâloise-Grubbe het d Securitas 2003 kauft.
Sit em 21. Dezämber 2012 firmiere au d Deutscher Ring Lebensversicherungs-AG und Deutscher Ring Sachversicherungs-AG under em Naame Baasler Versichrige. Die bäide Deutscher-Ring-Gsellschafte ghööre sit 1986 zum Schwizer Bâloise-Konzärn und si im ene ufwändige Brozäss sit 2009 in d Baasler Versichrige integriert worde.
Dr Chief Executive Officer (CEO) vo de Baasler Versichrige isch sit em 1. Mai 2015 dr Jürg Schiltknecht.
D Baasler verchauft Versicherigs- und Vorsorgbrodukt für Brivatpersoone und Undernääme. S Undernääme beschäftigt öbbe 1'500 Mitarbäiter (Stand: Mai 2020).
D Basler Versicherungen si sit 1894 uf em dütsche Määrt däätig.
Dr Bestand vo dr dütsche Niiderlassig vo dr Basler Leben AG isch 2017 an d Frankfurter-Leben-Gruppe verchauft worde, was vo dr BaFin as Ufsichtsbehörde gnäämigt worde isch.[2]
Weblingg
ändere
Commons: Basler Versicherungen – Sammlig vo MultimediadateieFuessnoote
ändere- ↑ Markus von Escher, Karl Lüönd: Sicherheit als Prinzip. 150 Jahre und eine Zukunft für die Basler. Uusegee vo dr Bâloise Holding AG, 2013, ISBN 978-3-033-04256-8, S. 267.
- ↑ https://flgruppe.de/wp-content/uploads/2017/05/2017_2_5_Pressemitteilung_BaFin-genehmigt-Bestandsu%CC%88bertragung-auf-die-Frankfurter-Leben.pdf