Buurehuusmuseum

S Buurehuusmuseum isch e Museum, wo em Landlääbe gwidmet isch, und befindet sich im Oberdorf 4 in dr Baaselbieter Gmäind Muttez. S Geböid und d Sammlig si dänggmolgschützt. S Museum isch an jedem letschte Sunndig vo de Möned April bis Juni und August bis Oktober am Morge vom zääni bis am zwölfi und am Nomiddaag vom zwäi bis am fümfi offe. Dr Iidritt isch gratis.

S Buurehuusmuseum

Dialäkt: Baaseldütsch

S Museum isch sit 1984 im e alte Buurehuus im Dorfzentrum dehäi, wo 1678 zum erste Mol uf ere Charte iizäichnet worde isch und het e vollständigi Iirichdig us em 19. Joorhundert. Sonigi Buurehüüser si no bis in d Middi vom zwanzigste Joorhundert vo Buure bewoont worde, wo Landwirtschaft betriibe häi. E bsundrigi Attrakzioon si d Buurebroot und d Zöpf, wo im Museum im ene historische Holzbachoofe vor de Auge vo de Bsuecher bacht und denn an s Publikum verchauft wärde.

D Sammlig

D Sammlig bestoot us Originalobjekt, wo früener emol vo Buure und iire Familie zum Lääbe und Schaffe brucht worde si.

Veraastaltige

Jeedes Joor git s e baar Veraastaltige, wien e Stuubede mit Ländlermuusig, Alphorndöön, Joodler und Drachtedänz, au wenn Muttez historisch nid grad e Zentrum für sonigs gsi isch.

Fuessnoote

47.521587.64576