Bairischi Akademy vo de Wüsseschafte

en Aikademii vo de Wüsseschafte z Dütschland

Die Bairischi Akademy vo de Wüsseschafte isch en öfentlich-rächtlechi Instituzioon z Münche. Si isch die gröschti Landesakademy vo Düütschland.

Gschicht ändere

 
Die Bayrischi Akademy vo de Wüsseschafte i der Münchner Residänz

D Akademy isch ane 1759 vom Kurfürscht Maximilian III. Joseph ggründet worde. Si het zerscht Churbaierische Akademie gheisse und het für d Verträtter vo de verschidene Wüsseschafte zwöi Forschigsgruppe gha: die historischi Klass und die filosofisch Klass, wo au d Mathematik und d Füsik derzueghört händ. 1959 het d Zäntrale vo der Akademy Platz i der Münchner Residänz gfunde.

I der Akademy schaffet e Gmeinschaft vo Forscher us Baiern und vo usserhalb zäme. Si het vier Sekzioone:

  • Geischtes- und Kulturwüsseschaft
  • Rächts-, Sozial- und Wirtschaftswüsseschaft
  • Naturwüssenschaft, Mathematik, Technikwüsseschaft
  • Naturwüsseschaft, Läbenswüssnschaft, Medizin

Forschigsprojäkt und Institut ändere

D Akademy het langfrischtigi Forschigsprojäkt vo der Grundlageforschig is Läbe grueffe:

  • d Kommission für die bairischi Landesgschicht und Volchskund
  • d Forschig zu der Gschicht vo der Theology
  • die Middelalterliche Biblioteekskataloog vo Düütschland und vo der Schwiiz
  • d Kommission für de Thesaurus Linguae Latinae
  • s Middellatynische Wörterbuech
  • s Bairische Wörterbuech
  • s Fränkische Wörterbuech
  • s Altokzitanische Wörterbuech
  • s Repertorium vo de Gschichtskwelle vom düütsche Middelalter
  • d Urkunde vom Kaiser Friedrich em Zwöite
  • s Corpus Vasorum Antiquorum
  • Verglychendi Archäology vo de römische Alpe- und Donauländer
  • Archäology vo de antike Stedt
  • die Düütsche Inschrifte vom Middelalters und der füeche Nöizyt
  • die Düütschi Literatur vom Middelalter
  • Nöieri düütschi Literatur
  • Keilschriftforschig und Vorderasiatischi Archäology
  • die Musighistorisch Kommission
  • Uusgab vo de Schrifte vom Schelling
  • d Max-Weber-Gsamtuusgab
  • d Kommission für zäntral- und oschtasiatischi Studie
  • s Corpus vo de barocke Tilimoolereie z Düütschland
  • s Forum Ökology
  • s Forum Technology
  • Geomorfology
  • Geowüsseschaftlichi Hochdruckforschig
  • Ärdmässig und Glaziology
  • die Düütschi Geodätischi Kommission
  • Neurowüsseschaft: Sensomotorik bim Mönsch und bi der Maschine
  • s Leibniz-Rächezäntrum
  • s Walther-Meißner-Institut für Töiftemperaturforschig
  • s Bairische Forschigsinstitut für Digitali Transformazioon

Literatur ändere

  • Ludwig Hammermayer: Geschichte der Bayerischen Akademie der Wissenschaften 1759–1806. 2 Bände. München 1983.

Weblink ändere

  Commons: Bayerische Akademie der Wissenschaften – Sammlig vo Multimediadateie

Fuessnoote ändere