Aelblr

Aelbrl

Wia mr sech schao fom Nâma denga kao, i komm fo dr Alb râ, ed weid fon Ulm weg. I schreib ed arg fial, âbr a weng ebbes doa i schao au. I schreib sô, wia mr hadd bei ôs dôba schwätza duad. Ond dao gaits koine Norma ond Reagla, "so muasch schreiba, sôsch isch des ed dei schbrôch" ???

Bfaidadeggl! I werd do no wissa kenna, was mai schbrôch isch ond wia mr bei ôs drhoimt schwätzt. Dao lao i mir fon koim äbbes fordigdîra.

I hao schao gnuag en denne "schwäbische" ardiggl gfonda, wo i gwîs wois, dass des blôs a îbrsetzts daitsch isch, wo koi schwaob ed sô sâga däad.

Brädäridom gaits em schwäbischa fir "sai" (nhd. sein) on des hot's scho ällerwai so gea (Aldschwäbisch, middlschwäbisch, frîhaischwäbisch). Mr sagd ja ao en dr schbraochwissaschafd, s gait an Brädäridomsschwond, also isch des langsam reduzîrd worra. Des hoist âbr ed, dass es des gâr ed gea duad.

S'Normîra on forschraiba, des kennat mir schao fom Deidscha, des wellat mr ed ao nô en onsrar schpraoch han. Drom kao's ao amôle sei, dass i d'sellig word ao amôle andrsch schreiba dua. So isch des hadd bei ôs.