Nicolasguenthert

Age of Empires II: The Age of Kings knüpft i dr Spieltechnischä hisicht sehr äng a Age of Empires a. Zyytlich isch s Spiel vom ändi Rom bis zu dr endeckig vom C.Columbus iteilt. S sin drizä Völker vervüegbar:d Britä, d Byzantinr, d Chinesä,d Frankä, d Gotä, d Japanr,d Keltä,d Mongolä,d Persr,d Sarazenä, d Teutonä, d Türkä und d Wikingr. Ähnlich wie by Age of Empires muess, bevor s Spiel ä kriegerischi Entwicklig nimmt ä Wirtschaft ufbaut wärdä, wo uf dä Rohstoff Holz, Nahrig, Gold und Stei basiert. Wo währänt m spilvrlauf knäpper wärde. Es giit Dorfbewohner mit dänä kamme all die Rohstoff abbaue. Jedäs Volk het ä eigeni Sproch, so antwortä zum bispil türkischi Dorfbewohner mit evet und teutonischi sowie gotische Holzfällr mit holza, wenn si an d Arbeit gschickt wärdä. D Völker sin in vier Gruppä iteilt, wo jewils ä einheitlichä Architekturstil für die ihnä aghörändä Zu dä Westeuropäischä Völkr zelä d Frankä, d Britä und d Keltä, zu dä Nordeuropäischä d Goten, d Wikinger und d Teutonen. Die orientalischi Völkergruppä bestoht us Byzantinr, Sarazenä, Persr und Türkä und die Asiatischi us Chinesä, Mongolä und Japanr. S git fünf grossi Gruppä vo Militäreinheitä, wo im Spiel verfüegbar sin: Nochkämpfer (Schwertträger), Fernkämpfer (Bogäschützä), Kavallierä, Schiff und Belagerigswaffä. Jedi vo denä Waffengattigä gliederät sich in no witeri verschiedäni einheitä und jewils verschiedäni Rüstigstypä gegä nochkampfschädä und Schussverletzige. Die verschiedänä Artä vo Kampfeinheitä schlön sich noch m Prinzip vom Spiel „Schere Stei Papir“, das heißt gmischti Armeä hänn Vorteil und eisitigi Strategiä sin tendenziell wenigr erfolgversprächnd. Wie by Age of Empires het dr Spielr au by Age of Kings wiedr d Uswahl us diesmol 13 Zivilisationä, mit bestimmtä Technologiä. Neu sin zivilisationsspezifischi Einheitä (und mit dr Erwiterig au Technologiä), wo s Gameplay vo dä einzelnä Völkr no invididuellr und au spannendr machä. Jedäs Volk verfüägt au übr ä eigäni Spezialeinheit: Britä: Langbogenschützä, Byzantinr: Gepanzerti Ritr, Chinesä: Chu-Ko-Nu, Frankä: Axtwärfr, Gotä: Huskarl, Japanr: Samurai, Keltä: Freischärlr, Mongolä: Mangudai, Persr: Kriegselefant, Sarazenä: Mameluck, Teutonä: Dütschritter, Türkä: Janitschr, Wikingr: Berserkr und Drachäboot.