Hoi zäme
Zwar han ig bis itz no kei bytrag für di alemannisch Wikipedia gschribe, ha das aber no vor. Für e momänt schaffen ig vorallem für di dütsch u di englisch Wikipedia. Sobald ig dert dr eint oder ander bytrag wo hie häre chönt passe fertig ha, wirden ig die artikle überträge.
Wien ier vlicht scho gmerkt heid, bin ig us em bärner oberland. Deswäge wet ig zum bispil o artikle über Gmeindi vo Thun äwäg gäg uehi i ds'Hasli u i d'Sytetäler mache. Was mier o no gfalle tät, wäre artikle über brüüch u fescht bi üs. Ig hoffe i chume ir nächschti eis drzue öbbis für hie zmache.
Ir dütsche WP han ig mittlerwile bi rund 220 Artikle mi Sänf drzue gä, aber das eigentlech o nume, drmit ig dr Sichterstatus überchume. Grundsätzlech bin ig nid im gringschte dra interessiert, d'Byträg vo andere Benutzer z'vrschlimmbessere. Ig wirde mi im Grosse u Ganze druf beschränke, eigeti Artikle z'schriibe.
