Bernhard Jäggi

Dialäkt: Baseldütsch

Dr Bernhard Jäggi (* 17. August 1869 z Mümliswil , † 13. April 1944 z Muttez) isch e Schwiizer Politiker und Gnosseschafter gsi.

Läbe

Dr Bernhard Jäggi isch am 17. August 1869 z Mümliswil uf d Wält cho und isch dört au ufgwachse. Er isch Bankagstellte worde und Mitgliid vo dr SP. Sit de 1890er Johr het er sich für gnosseschaftligi Gedanke iigsetzt. Sit 1900 isch er dr Revisor vom Verband vo de schwizerische Konsumverein z Basel gsi, sit 1909 Präsident vo der Verwaltigskommission und het füehrendi Böste in mehrere Undernähme gha, wo mit der Gnosseschaftsbewegig verbunde gsi si. Vo 1902 bis 1916 isch er Grossroot für d SP z Basel gsi, 1910 Bresidänt, 1911 bis 1916 Nationalroot. Ändi 1916 isch er vo siine Böste zruggdräte und het d SP verlo, wil dere ihre Kurs z radikal gsi isch für en. 1919 het er agfange, d Idee vom ene Freidorf, won er scho lang dra dänggt het, z verwirklige, und es isch vo 1919 bis 1921 zwüsche dr Stadt Basel und dr Baselbieter Gmeind Muttez baut worde. Wo s fertig gsi isch, isch er in eini vo de Wohnige im Freidorf iizoge. Dr Jäggi het 1923 au s gnossenschaftlige Seminar im Freidorf gstiftet und 1937 s gnosseschaftlige Chinderheim z Mümliswil. 1929 het er dr Ehredoktertitel vo dr Universidät Basel übercho.

Am 13. April 1944 isch er z Muttez gstorbe.

D „Siidligsgnosseschaft Freidorf“ existiert au hüte no in dere Form.

Nowiis

---

Übersetzig vom e Deil vom Ardikel de:Freidorf BL uf dr dütsche Wikipedia.