S Bethesda-Spiddaal
S Bethesda-Spiddaal isch e christligi Brivaatklinik an dr Gellertstrooss 144 z Basel und ghöört zur Bethesda Grubbe vo dr Stifdig Diakonat Bethesda, wo am 15. Dezämber 2009 gründet worden isch.[1]
| Bethesda-Spiddaal | |
|---|---|
| Unternähmensform | Stifdig |
| Gründig | 1939 |
| Sitz | Basel, Schwiz |
| Leitig |
Thomas Rudin (Spiddaaldiräkter) |
| Branche | Gsundhäitswääse |
| Uffdritt im Netz | http://www.bethesda.ch |
| Dialäkt: Baseldütsch |
S Spiddaal isch 1939 gründet worde und het 132 Bett. Im Joor wärde doo öbbe 5000 Paziäntinne und Paziänte behandlet. Dr Spiddaldiräkter isch dr Thomas Rudin. Mee as 30 Klinikärzt schaffe im Spiddaal.
Zu de Kompetänzberiich vo dr Klinik ghööre Rhöimatologii, Nöirochirurgii, Schmärzmedizin, Handchirurgii, Ergotherapii, Physiotherapii, Psüchiatrii, Psüchosomatik, Gynekologii, Geburtshilf und Urologii.
Im Spiddaal isch s Restorant «Bethesda-Park» aagschlosse und in dr Aula wärde Konzärt und anderi Veraastaltige abghalte.