Hauptmenü ufmache

D Bettina Lisbach (* 26. Oktober 1964 z Charlsrue) isch e dytschi Bolitikeri (Bindnis 90/Di Griene) un syt em 1. Februar 2019 Burgermaischteri fir Umwält z Charlsrue.[1] Vu 2016 is 2019 isch si Mitglid vum Landdag vu Bade-Wirttebärg gsii.

Inhaltsverzeichnis

LääbeBearbeite

D Bettina Lisbach isch z Berchzawwere mit zwai jingere Gschwischter in dr Sidpfalt ufgwachse. Noch em Abtitur het si vu 1985 bis 1989 an dr Fachhochschuel Nirdenga Landesbflääg studiert un as Diplom-Ingenieuri (FH) abgschlosse. Ihri Praxissemeschter het si am Regierigsbrsidium Fryburg un bim Forschtamt Reidlenga gamcht. Noch em Studium isci si retuurgange uf Charlsrue un het dert bi verschidene Blanigsbiro as Landschaftsblaneri gschafft, unter anderem het si Umwältverdregligkaitsbriefige un Biotopverbundblangige gmacht. Dernäbe het si vu 1990 bis 1998 Geoökology an dr Universitet Charlsrue studiert. Noch em Diplom as Geoökologi anne 1998 het si as Gschäftsfiereri bim BUND gschafft. Anne 2001 isch si noch ere Uusbildig zur Software-Entwickleri bi Siemens SBS in d IT-Branche gange un het bis 2016 bi dr INIT GmbH gschafft, aafangs as Softwareentwickleri, speter as Projäktlaiteri fir Informationssischtem in dr Nochverchehrsblanig gschafft. Do het si unter anderem in Projäkt z Graz, z Oslo, z Rotterdam un z Montréal gschafft.

Si läbt mit ihrem Partner z Charlsrue.

BolitikBearbeite

Anne 1998 isch d Bettina Lisbach in di Griene yydrätte. Si isch vier Johr lang Mitglid im Chraisvorstand gsii un vu 2004 bis 2016 Mitglid im Stadtrot vu Charlsrue. Vu 2008 bis 2016 isch si au Vorsitzeri vu dr griene Fraktion im Stadtrot gsii. Syt 2008 isch d Lisbach Mitglid vum Vorstand vu dr kommunalbolitische Verainigung Grüne und Alternative in den Räten von Baden-Württemberg (GAR), ab 2012 as Vorsitzeri.

Bi dr Landdagswahl z Bade-Wirttebärg 2016 het si s Erschtmandat im Wahlchrais Charlsrue I gwunne. No ihrem Yydritt in Landdag zum 5. April 2016 isch si Ändi April us em Charlsruejer Stadtrot uusgschide.[2] Ihre Landdagsmandat het si zum 31. Jänner 2019 niderglait, Boofolgeri vun ere isch d Ute Leidig wore.

Sunschtigs EngaschmäntBearbeite

  • Mitglid vu dr Verbandsversammlung des Regionalverbands Mittlerer Oberrhein (syt 2004), syt 2014 au stellverdrättendi Vorsitzeri
  • Mitglid im Bund für Umwelt und Naturschutz Deutschland (BUND)
  • Mitglid im Verkehrsclub Deutschland (VCD)
  • Mitglid in Mehr Demokratie e. V.
  • Mitglid im Freundeskreis Naturschutzzentrum Karlsruhe-Rappenwört e. V.

WeblinksBearbeite

FueßnoteBearbeite

  1. Rückkehr aus dem Landtag: Lisbach als neue Karlsruher Umwelt-Bürgermeisterin begrüßt, Badische Neueste Nachrichten, 2. Februar 2019
  2. Bettina Lisbach: Gemeinderat: Ausscheiden von Bettina Lisbach und Daniela Reiff - Bettina Lisbach. In: Bettina Lisbach. 2016-04-28. Abgrüeft am 2016-05-14.