Bloodopf

Dialäkt: Markgreflerisch (Obfige)

Dr Bloodopf (dt. Blautopf) isch e Karschtquälle am Oschtrand vu dr Schwebische Alb in dr Stadt Blaubeire, 16 km weschtli vu Ulm. Er bildet dr Abfluss vu dr Blauhehli im Blauhehlinesyschtem un goht in d Blau, e Fluss, wu rund 14,5 km wyter eschtlig im Ulmer Stadtgebiet in d Duene mindet. Wäg em hoche hoche Wasserdruck isch e drächterfermige Quällhafe entstande mit ere Diefi vu bis zue 21 Meter. Di intensiv blau Farb entstoht dur d Strejigeigeschafte vum chalchgsättigte Quällwasser.

Bloodopf z Blaubeire

Legände

Abfluss vum Bloodopf

Dr Bloodopf isch e Ort vu Sage un Legände. D Farb wird zem Byyschpel eso erklärt, ass alldag e Fass voll Dinte yynegschittet wurd. Im Volksglaube het dr Bloodopf as bodelos gulte. Versuech, mit eme Lot d Diefi z mässe, seje alliwyl vun ere Nixe verhinderet wore, wu s Gwicht gstohle heb. Doderdur sej s nit meglig gsi, d Diefi vum Bloodopf z mässe. No däre Sag git s in dr Nechi vum Bloodopf e Stei mit em Name 'Kletzle Blei '. Un au ne bekannte schwäbischer Zungebrächer wird in dr Gegnig gärn dr Chinder verzellt:

Glei bei Blaubeira leit a Kletzle Blei -

´s leit a Kletzle Blei glei bei Blaubeira

In Wirkligkeit isch d Diefi vum Bloodopf scho anne 1718 noche ere Lotig mit 62 1/2 Fueß selui gnau aagee wore.

D Gschicht Das Stuttgarter Hutzelmännlein vum Eduard Mörike git die un anderi Sage in ere Binneverzellig wider, yybettet in d Ramehandlig vun eme Wandgsell, wu iber d Alb uf Blaubeire zieht. Ganz bsundersch uusfierlig wird d Gschicht vu dr Scheane Lau verzellt, ere Dochter vun ere Mänschefrau un eme Wassernix us em Schwarze Meer, wu vu ihrem Mann, em Duenenix, in dr Bloodopf verbannt woren isch, wel si nit het chenne lache un ihrem Mann nume doti Chinder uf d Wält brocht het. Si hätt zerscht wider solle zruckchehre un e läbig Chindli uf d Wält bringe, wänn si fimf Mol glacht gha het. Doderby het ere d Wirti vum Nonnehof ghulfe.

Geologii

Bloodopf Blaubeire

Historisch Hammerwärch, wu dur s Quällwasser vum Bloodopf aatribe wird

Dr Bloodopf isch e Karschtquälle, des heißt, ass do Wasser wider an d Oberflechi chunnt, wu ineme greßere Gebiet versickeret isch. Des Karschtgebiet het nume ei unterirdische Wasserabfluss, s git kei oberirdische Gwässer. D Schittig vu dr Quälle isch seli stark vu dr Niderschlege abhängig, si schwankt zwische 310 l/s un 32.000 l/s un lyt im Mittel bi 2000 l/s. Dr Bloodopf isch z Dytschland noch em Aachhafe d Quälle mit dr zwothegschte Schittig.

S Wasser het im Lauf vu Hunderttöuserte vu Johr e groß Hehlinesyschtem gschaffe. E Deil vum Blauhehlinesyschtem, d Blauhehli, isch bis Mitti vu dr 1980er Johr unter anderem vum Jochen Hasenmayer erforscht wore. Am 23. Septämber 2006 hän dr Jochen Malmann un dr Andy Kücha vu dr Arbetsgmeinschaft Bloodopf in dr Blauhehli e risigi Halle entdeckt, wu si Apokalypse gnännt hän. Derwylscht di erschte 1200 Meter vu dr Blauhehli no mit Wasser gfillt sin, isch d Apokalypse drucke un isch mit ihre Greßi (170 m Lengi, 50 m Breiti, 50 m Hechi) e Bsunderheit in däre Gegnig.

Duuchen im Bloodopf

Anne 1880 isch dr erscht Helmduucher in dr Bloodopf gstige. Dr Grund isch aber erscht anne 1957 vun eme Duucher erreicht wore.

Dr Yystig in d Blauhehli lyt in ere Wasserdiefi vu eppe 21 Meter un cha wäge däm nume vu guet uusbildete Hehlineduucher bfahre wäre.

E baar Duuchuufäll unter Hobbyduucher, dodrunter au detligi, hän d Gmei veraalasst, dr Bloodopf syt dr 1980er Johr fir Duucher z spere. Sundergnähmigunge hän d Yysatzduucher vu dr Wasserrettig DLRG, VHM Minche, d Arbetsgmeinschaft Bloodopf vu dr HFGOK (Hehlineforschigsgruppe Oschtalb Kirchheim) un e Gruppe vu Hehlineforscher um dr Jochen Hasenmayer. Dr letschte schwär Uufall isch anne 2003 bassiert, wu ne Mitglid vu dr Hasenmayer-Gruppe nume no het chenne dot borge wäre.

S Duuchen im Bloodopf spilt e Roll im Kriminalroman Bienzle und die schöne Lau vum Felix Huby, wu au im Rame vu dr Fernsehserie Tatort verfilmt woren isch.

Sunschtigs

Am Bloodopf git s e Hammerwärch, wu dur s Quällwasser aatribe wird.

Film

• Mythos Blautopf - Expedition ins Dunkel. Dokumentarfilm, Dytschland, 2007, 43 Min., Reschii: Claus Hanischdörfer, Produktion: Eikon Südwest GmbH, ZDF un ARTE, Inhaltsaagab
• Tauchflug ins kalte Herz der Alb - Jochen Hasenmayers Vorstoß in die Tiefen der Blauhöhle. Dokumentarfilm, Dytschland, 1985, 65 Min., Reschii: Jochen Hasenmayer un Frank Westphal
• Tatort. Bienzle und die schöne Lau. Spielfilm, Dytschland, 1993, 83 Min., Buech: Felix Huby un Werner Zeindler, Reschii: Hartmut Griesmayr, Produktion: Siddytsche Rundfunk, Erschtsändig: 28. Merz 1993, Inhaltsaagab

Weblink

 Commons: Bloodopf – Sammlig vo Multimediadateie

• Arbetsgmeinschaft Bloodopf
• Informationssyte vu dr Stadt Blaubeire
• Dr Bloodopf (mit wytere Link)
• „Das Geistige in der Natur: Der tiefste See der Welt in Blaubeuren, gleich hinterm Kloster“, Die Zeit, 1997, Nr. 42, vu dr Iris Radisch
• Eduard Mörike: Die Schöne Lau uf Wikisource

48.4158333333339.7838888888889

Dä Artikel basiert uff ere fräie Übersetzig vum Artikel „Blautopf“ vu de dütsche Wikipedia. E Liste vu de Autore un Versione isch do z finde.