Boris Björn Bagger

Dr Boris Björn Bagger (* 6. Merz 1955 z Charlsrue; † 4. Juli 2024) isch e dytsche Gitarrischt, Musikpedagog, Kumpenischt, Arrangeur un Dirigänt gsii.

dr Boris Björn Bagger (2019)

Lääbe

Dr Bagger het an dr Musikhochschuel Charlsrue un dr Musikhochschuel Fryburg Musikwisseschaft studiert. Sy Chammermusikpartner*ne sin u. a. d Tabea Zimmermann (Paganini Trio, Beethoven Trio), dr Martin Ostertag (iber 200 Kunzärt un CD-Ufnahme), dr Kalle Randalu (Kunzärt un CD-Ufnahme), dr Detlef Tewes (iber 300 Kunzärt un CD-Ufnahme), dr Ernö Sebestyen (Wälterschtyyspilig Paganini Barucaba Variazione fir Violine un Gitarre), Ulf Rodenhäuser, Jean-Claude Gerard; derzue het er Kunzärt as Gascht bi dr Villa Musica u. a. mit dr Serenade op. 24 vum Arnold Schönberg gee.

Är het mit dr Orcheschter RSO Frankfurt, Bochumer Symphoniker, Saarländischs Rundfunkorcheschter, Bade-Badener Filharmony, Staatsfilharmony Rhyyland-Pfalz, SWR Sinfonyorcheschter Fryburg, Badischi Staatskapäll Charlsrue, Nazionaltheater Mannem, Staatsfilharmony Eschtland, Chammerorcheschter Hailbrunn, Wirttebärgischi Filharmony un Chammerorcheschter Tallinn un unter dr Dirigänt Pierre Boulez, Michael Gielen, Kazushi Ono, Justin Brown, François-Xavier Roth, Anthony Bramell, Adam Fischer, Eri Klas, Neeme Järvi, Ari Rasilainen, Leif Segerstam, Leslie B. Dunner, Werner Stiefel, Titus Engel, Peter Eötvös, Klaus Arp, Peter Falk, Christoph Poppen, Ola Rudner, Christoph Prick, Steven Sloane, Gerard Korsten, Terry Davies un Robert Reimer gspiilt.

25 CD-Ufnahme sin entstande u. a. bi BMG (Ariola), Signum, Hänssler Classics, ANTES un Bayer.

Är sich in Färnsehprodukzione z Dytschland, z Finnland un z Eschtland as Solischt, Chammermusiker un Dirigänt ufdrätte, unter anderem 2012 as Dirigänt un Gitarrischt in dr Sändig Einfach die Besten (SWR). Är het z Europa 200 Rundfunkprodukzione gmacht, Uruffierige vu 40 Kumpesitzione (u. a. Erkki-Sven Tüür – Spiil fir Violoncello un Gitarre, Felix Treiber – Doppelkunzärt fir Gitarre, Schlagzyg un Orcheschter, Jaan Rääts – Gitarrekunzeärt, Doppelkunzärt fir Flete, Gitarre un Orcheschter).

Syter anne 1990 het er e Brofässur fir Gitarre, Chammermusik, Orcheschterstudie an dr Staatlige Hochschuel fir Musik Charlsrue ghaa.

As Dirigänt het dr Bagger u. a s Mandolineorcheschter Ettlinge glaitet.

Notenuusgabe

Dr Bagger het vu iber 300 Wärch Bearbaitige fir Gitarre gmacht. Doodrus sin iber 200 Notenuusgabe entstande, zum Byschpel vum Bach un em Mozart.

Bryys un Uuszaichnige

• 1994: Musikbryys vu dr Republik Eschtland
• 2000: Bryysdreeger vum Wettbewärb Start up, uusgschribe vu dr Zytschrift Stern un McKinsey & Co fir d Musicians Data Base uf CD-ROM (Musikerlexikon in Date)
• 2002: Marieland-Orde vu dr Republik Eschtland

Weblink

• Websyte vum Boris Björn Bagger
• dr Boris Björn Bagger bi Spotify
• Nooruef uf zupfmusiker.de
• Björn Bagger Boris Björn Bagger bi Discogs (änglisch)

Fueßnote

Dä Artikel basiert uff ere fräie Übersetzig vu dere Version vum Artikel „Boris_Björn_Bagger“ vu de dütsche Wikipedia. E Liste vu de Autore un Versione isch do z finde.