Tabea Zimmermann

D Tabea Zimmermann (* 8. Oktober 1966 z Lohr) isch e dytschi Bratschischti un Hochschuellehreri.

Lääbe un Wiirke

D Tabea Zimmermann het as Dreijehrigi an dr Musikschuel vu ire Haimetstadt Lohr mit em Bratsche spiile un mit fimfi mit em Klavier spiile. No aigen Uussage isch dr Dietmar Mantel, wu si zee Johr lang unterrichtet ghaa het, aine vu ire wichtigschte Lehrer gsii.^[1] Si het bim Ulrich Koch an dr Musikhochschuel Fryburg Bratsche studiert, het ire Studium 1985 an dr Musikhochschuel z Saarbrücken abgschlosse un ir Spiil ab 1986 bim Sándor Végh am Mozarteum z Salzburg perfäktioniert. In dr Zyt vu irem Studium het si bi internationale Wettbewärb mitgmacht un het erschti Bryys z Gämf (1982), z Budapest (1984) un am Internationale Bratschewettbewärb Maurice Vieux z Paris (1983) gwunne. Dodruf het si ne Inschtrumänt vum franzesische zytgnessische Gygeböuer Étienne Vatelot iberchuu, wu si bis hite uf ire wältwyte Kunzärtturnee druf spiilt.

Vu 1987 bis 1989 het si as jingschti Brofässeri vu Dytschland an dr Musikhochschuel Saarbrücken unterrichtet. 1994 het si d Bratscheklasse vu dr Hochschuel fir Musik un Darstellendi Chunscht z Frankfurt am Main ibernuu, syt Oktober 2002 isch si Brofässeri an dr Hochschuel fir Musik „Hanns Eisler“ Berlin.

Vu 1987 bis zue däm sym frieje Dood anne 2000 het d Tabea Zimmermann mit irem erschte Mann, em israelische Dirigänt David Shallon, regelmäßig Kunzärt gee. Mit ihm het si zwee Sihn. Derno isch si mit em US-amerikanische Dirigänt Steven Sloane ghyrote gsii, wu si ne Dochter mit em het.

Anne 2004 het si zäme mit dr Gyger*ne Antje Weithaas un Daniel Sepec un em Cellischt Jean-Guihen Queyras s Arcanto Quartett grindet, wu schnäll Yyladige in di große Kunzärtseel vu Europa, Israel, Japan un Nordamerika kriegt het un e baar CD vereffetligt het.

Anne 2011 isch d Tabea Zimmermann in di Nordrhy-Weschtfälisch Akademy vu dr Wisseschafte un Chinscht un 2013 zur Vorsitzeri vum Vorstand un vum Stiftigsrot vum Beethoven-Huus z Bonn gwehlt wore.

D Tabea Zimmermann läbt mit ihre drei Chinder z Berlin.

Uusgläseni Uuszaichnige

1995 Frankfurter Musikbryys
1997 Bryys vu dr Accademia Musicale Chigiana Siena
1999 Rheingau Musikbryys un Würth-Bryys vu dr Jeunesses Musicales Dytschland
2006 Paul-Hindemith-Bryyas vu dr Stadt Hanau
2008 Artist in Residence bim Chunschtfescht Weimar
2012 Verdienschtorde vum Land Bade-Wirttebärg
2014 ECHO Klassik in dr Kategory Inschtrumentalischti vum Johr (Viola) fir Paul Hindemith: Sämtliche Werke für Viola Vol. 1 – Viola & Orchester
2. Oktober 2018 Verdienschtorde vu dr Bundesrepublik Dytschland^[2]
2020 Ernst von Siemens Musikbryys^[3]

Weblink

Offiziälli Homepage vu dr Tabea Zimmermann
d Tabea Zimmermann bi dr Nordrhy-Weschtfälisch Akademy vu dr Wisseschafte un Chinscht
Interview mit em Schwyzer Klassikportal Classicpoint.ch
Video Violakonzert Penderecki Dail 2 uf YouTube
Deutschlandfunk Kulturfragen. Debatten und Dokumente vom 26. Januar 2020: „Eine Musikausbildung sollten wir allen gönnen“. Die Bratschistin und Ernst-von-Siemens-Musikpreisträgerin Tabea Zimmermann im Gespräch mit Maja Ellmenreich
Marina Lobanova: Artikel „Tabea Zimmermann“. In: MUGI. Musikvermittlung und Genderforschung: Lexikon und multimediale Präsentationen, hg. von Beatrix Borchard und Nina Noeske, Hochschule für Musik und Theater Hamburg, 2003ff. Stand vum 25. April 2018

Fueßnote

↑ „Aber am allerwichtigsten war mein erster Lehrer an der Musikschule Lahr: Dort habe ich zehn Jahre lang tollsten Anfangsunterricht gehabt bei Dietmar Mantel. Die Basis, die er gelegt hat, die Grundeinstellung zur Musik und die Flexibilität, die er mir antrainiert hat, das ganz genaue Hören, das Abstimmen von Intonation – gleich im kleinsten Kindesalter habe ich das mit der musikalischen Muttermilch aufgesogen. Meine größte Dankbarkeit gilt meinem ersten Lehrer“ (Gschpräch mit dr Maja Ellmenreich bim Deutschlandfunk, 26. Jänner 2020, download uf evs-musikstiftung.ch).
↑ Websyte vum Bundesbresdialamt: Ordensverleihung zum Tag der Deutschen Einheit am 2. Oktober 2018
↑ Ernst-von-Siemens-Musikpreis - Bratschistin Tabea Zimmermann ausgezeichnet. Deutschlandfunk Kultur, 22. Januar 2020, abgruefen am 23. Januar 2020 (de-DE).

Dä Artikel basiert uff ere fräie Übersetzig vu dere Version vum Artikel „Tabea_Zimmermann“ vu de dütsche Wikipedia. E Liste vu de Autore un Versione isch do z finde.

[1] „Aber am allerwichtigsten war mein erster Lehrer an der Musikschule Lahr: Dort habe ich zehn Jahre lang tollsten Anfangsunterricht gehabt bei Dietmar Mantel. Die Basis, die er gelegt hat, die Grundeinstellung zur Musik und die Flexibilität, die er mir antrainiert hat, das ganz genaue Hören, das Abstimmen von Intonation – gleich im kleinsten Kindesalter habe ich das mit der musikalischen Muttermilch aufgesogen. Meine größte Dankbarkeit gilt meinem ersten Lehrer“ (Gschpräch mit dr Maja Ellmenreich bim Deutschlandfunk, 26. Jänner 2020, download uf evs-musikstiftung.ch).

[2] Websyte vum Bundesbresdialamt: Ordensverleihung zum Tag der Deutschen Einheit am 2. Oktober 2018

[3] Ernst-von-Siemens-Musikpreis - Bratschistin Tabea Zimmermann ausgezeichnet. Deutschlandfunk Kultur, 22. Januar 2020, abgruefen am 23. Januar 2020 (de-DE).

[1]

[2]

[3]