Botany Bay

D Botany Bay isch e groossi Bucht im Stadtgebiet vo Sydney, öbbe sibe Kilometer südlig vom Central Business Districts (Stadtzentrum). Am 29. April 1770 si dört die erste Brite under em James Cook in Australie glandet.

Botany Bay
D Botany Bay us dr Luft D Botany Bay us dr Luft
Gwässer	Bucht
Landmasse	Australie
Geographischi Laag	in mathematical expression, function#parameter max()#1 (trunc(*1000))_region:AU-NSW_type:waterbody&pagename=Botany_Bay&language=de 33° 51′ 0″ S, 151° 12′ 0″ O-33.85151.2
Botany Bay (New South Wales) Botany Bay
Flechi	39,6 km²dep1
Middleri Wasserdiefi	11,4 m
Zueflüss	Georges River, Cooks River

Satellitebild (2005)

Charte vo dr Bucht vo 1773 noch de Vermässigsdaate vom Cook

D Portugiise si scho im 16. Joorhundert immer wider äinisch z Australie aachoo, und d Holländer si zum erste Mol 1606 dört glandet. Wo dr Cook in dr Botany Bay aachoo isch, isch er uf sinere erste Wältumseglig mit dr Endeavour gsi. Er het d Bucht und die australischi Ostküste genau vermässe, und sini Daate si zum Däil bis in d Middi vom 20. Joorhundert brucht worde.

Zerst het d Bucht dr Naame Stingray Bay überchoo, denn dört si e Hufe Stachelroche as Broviant gfischt worde. Dr hütig Naame, wo uf Dütsch öbbe Botanik-Bucht bedütet, verdankt d Bucht em Umstand, ass dr Botaniker Sir Joseph Banks und si Zäichner Daniel Solander, d Naturwüsseschaftler vo dr Expedizion, vo dr Artevilfalt vo de Pflanze, wo si dört gfunde häi, unghüür begäisteret gsi si. Dr Cook het de Kap uf de Site vo dr Bucht denn Cape Banks (N) und Point Solander (S) gsäit. Die bäide Landzunge und s Land nääbedraa bilde dr chlii Botany Bay Nationalpark, wo s uf dr Südsite von em Gedänkstette für d Landig und Entdeckig vo 1770 het.

Dr Cook het spööter dr Regierig z London empfoole, deportierti britischi Strööfling vo 1788 aa nit in dr Botany Bay lo an Land goo, sondern in ere Bucht witer im Norde, wo spööter dr Naame Port Jackson ünerchoo het.

Churz noch dr First Fleet isch au e franzöösischi Expedizion under em Jean-François de La Pérouse in dr Botany Bay aachoo. Im zu Eere häisst e Vorort vo Sydney an dr Nordsite vo dr Bucht La Perouse.

Hüte befindet sich in dr Bucht dr ufgschütteti Conteinerhaafe Port Botany, en Ärdöölraffinerii und dr grösst Flughaafe in Australie, dr Kingsford Smith International Airport. In de Düüne uf dr Südsite isch under anderem dr Film Mad Max 3 dräit worde.

S Stadtgebiet im Norde vo dr Bucht häisst Botany Bay City.

Trivia

S Bicentennial Monument zum Gedänke an d Landig vo dr First Fleet under em Arthur Phillip im Joor 1788

In dr SciFi Serii Star Trek wird dr Name Botany Bay für s Ruumschiff vom Khan brucht (Star Trek II: Der Zorn des Khan, Raumschiff Enterprise, Staffel 1, Episode 22: Der schlafende Tiger).

Im Teggst vom irische Volkslied „Fields of Athenry“ häisst s: „As that prison ship sailed out against the sky; sure she'll wait and hope and pray, for her love in Botany Bay“. Dä Värs beziet sich uf e Frau, wo dr Maa von ere wäärend dr irische Hungersnoot in dr Middi vom 19. Joorhundert uf Australie deportiert worde isch, wil er Geträid gstoole het.

Weblingg

 Commons: Botany Bay, Sydney – Sammlig vo Multimediadateie

Dä Artikel basiert uff ere fräie Übersetzig vum Artikel „Botany_Bay“ vu de dütsche Wikipedia. E Liste vu de Autore un Versione isch do z finde.