Briisgau S-Baan

es Brojekt für es S-Baan-Sischteem im Großruum Fryburg

Briisgau-S-Baan 2020 isch è Brojèkt für s Yrichtè von èm S-Baan-Sischteem im Großruum Fryburg. S Brojèkt isch vom Zwèckvoband Regio-Naavokeer Fryburg (ZRF) is Läbbè gruèfè worrè isch. Dè Bedryb söll in èrè èrschtè Uusbauschtufè im Novembèr 2018 uffgnõ wörrè. Im Novembèr 2012 hèt dè DB Netz bekannt gää, dass es Brojèkt bis zuè drei Mòl düèrer wörrè chönnt, uss blaantè 290 Millionè Euro chönntet also öppè 870 Millionè Euro wörrè.[1] Dõrum söll s Konzèpt znägscht nu mit Abschtrich umgsetzt wörrè.[2]

Gschichté ändere

Hintergrund ändere

Unter m Brojèktnammè „Briisgau-S-Baan 2005“ isch uff dè Pilotschtreggè (Briisacher Baan, Elzdalbaan un öschtlichè Kaiserschtuèlbaan) è neus Vokeerskonzèpt entwicklèt worrè. Sèlli Baanlinniè sin uusbaut worrè, d Baanhööf modernisyrt un s Faarblaanaagebot dütlich uusgweitet worrè. Dagsübber vokeerèd di Züüge im Halbschtundètagt. Uff dè Briisacher Baan hèt d Briisgau S-Baan GmbH 1997 dè Bedryb vo dè Dütschè Baan übbernõ. Sitdèm wörrèd Regio-Shuttle (RS1) ygsetzt.[3] Sit Mai 2000 vokeerèd d Züüg vo dè SWEG uff dè öschtlichè Kaiserschtuèlbaan zwüschè Goddènè un Baalingè im Halbschtundètagt, zwei neui Haltepüngt sin uffgmacht worrè.[4] Uff dè Elzdalbaan vokeert sit Dezembèr 2002 ebbèfalls d Briisgau-S-Baan GmbH, bis zum Septembèr 2004 sin alli Stationè modernisyrt worrè. Dè Faargaschtzuèwachs hèt uff dè Elzdalbaan innerhalb vo zee Johr 300 % bedrait.[5]

Blaanung ändere

Am 18. Mai 2012 isch è Finanzyrungsvoybarung übber dè Uusbau vo dè Elzdalbaan un dè Hinterè Höllèdalbaan vo Neuschtadt bis Donaueschingè mit dè Baan unterzeichnèt worrè.[6] D Koschtè sin im Johr 2011 uff 290 Millionè Euro eschtimyrt worrè.[7] Im Novembèr 2012 hèt d Baan bekannt gää, dass dè Uusbau vo dè Streggè bis zu drei Mòl düèrer wörrè chönnt. Zum Byschpill söll dè Uusbau vo dè Elzdalbaan 66 Millionè Euro statt dè aagsetztè 19 Millionè Euro koschtè.[2] Druffhy hèt sich d baddè-württèbärgischi Landesregyrung bereit erklärt, d Briisacher Baan un d Elzdalbaan z übbernää un sèlber uuszbauè. Ußerdèm brüèft s Land, ob d Finanzyrung vo dè Faarzüüg z unterschtützè.[8]

Uusschriibung vo dè Vokeersleischtungè ändere

D Vokeersleischtungè für d Briisgau S-Baan sin europawitt uusgschribbè worrè. Um mee Wettbewèrb z ermöglichè, isch s Streggènetz dèzuè in drei Netz für d Vogaab uffdeilt.

Netz Bezeichnig Linniè Inbedrybnaam Bedryber Faarzüügysatz
9a Briisgau Oscht-Wescht S1/11, S12 Dezembèr 2019 DB Regio AG Alstom Coradia Continental[9]
9b Fryburger Y S2, S3, S5 Dezembèr 2019[10] SWEG Bombardyé
4 Rhydal S4, S41 Juni 2020 DB Regio AG Siemens Desiro HC; Siemens Mireo[11]

Maßnaamè ändere

I dè Kooperationsvoybarung zwüschè RVG un NVBW vom 11. März 2009 gòt s um d Elegtrifizyrung vo folgendè Streggè im Fryburger Ruum bis zum Johr 2018:

Nõch dè Fèrtigschtellung vom 3. un 4. Gleis söll ußerdèm d Fryburger Güèterumgeeigsbaan durch dè Bau vo zwei Vobindungskurvè am Chrützungspungt mit dè Briisacher Baan für dè Personèvokeer bruucht wörré.[13]

Im Brojèkt gòt s au um d Modernisyrung un dè barrièrefreyè Uusbau vo dè Stationè uff è einheitlichi Perronhöchi vo 55 Zentimeter übber Schinnèobberkantè. Mittelfrischtig isch ußerdèm dè Neubau vo mengè Haltepüngt vorgsää.

  • Rhydalbaan: Eschbach-Tunsel, Fryburg-Vauban (statt èm Hp Fryburg-St. Georgè), Fryburg Komturblatz (statt èm Hp Fryburg-Hèrdèrè)
  • Höllèdaalbaan: Fryburg Prässehuus, Fryburg Stadthallè, Fryburg Kapplerdal, Birchèhof
  • Güèterumgehigsbaan: Fryburg-St. Georgè, Fryburg-Haslach, Fryburg Runzmattèwäg, Fryburg Messebaanhof, Fryburg Tullaschtrõß

Zuèsätzlich söll s Strõßébaanetz vo Fryburg dütlich erwitterèt wörrè un Umschtygebaanhööf mit dè regionalè Baanschtreggè entschtõ. Drübber usè söllèd diè regionalè Buslinnié uff dè Baanvokeer abgschtimmt wörrè.[14]

Uusbauschtufè ändere

2018 ändere

D Linniè S1/S11 söll halbschtündlich z Goddene un stündlich z Titisee gflüglèt wörrè, sèllèwäg git s mee umschteigefreyi Dirèktvobindungè.

Linniè Laufwäg Tagt
S1/S11 Ändigè/Briisach – Goddene – Fryburg Hbf – Titisee – Seebrugg/Villingè 30-Minutè (Riègel Ort/Briisach–Neuschtadt)

60-Minutè (Ändingè–Riègel Ort; Titisee–Seebrugg; Neuschtadt–Villingè)

S12 Fryburg Hbf – Kirchzartè (– Seebrugg) 60-Minutè
S2 Fryburg Hbf – Denzlingè – Waldkirch – Bleibach – Elzach 30-Minutè (Fryburg–Bleibach)

60-Minutè (Bleibach-Elzach)

S3 Bad Chrotzigè – Staufè Süd – Münschterdal (Schwarzwald) 30-Minutè (Bad Chrotzigé–Staufè Süd)

60-Minutè (Staufè Süd–Münschterdal (Schwarzwald))

S4 Basel – Müllheim – Fryburg Hbf – Ämmèdingè – Offèburg 60-Minutè
S41 Mulhouse Ville – Millè – Fryburg Hbf – Ämmèdingè 60-Minutè
S5 Riègel-Malterdingè – Ändigè – Briisach 60-Minutè

Zylkonzèpt ändere

 
Zylkonzèpt

S Zylkonzèpt sièt acht Linniè vor un söll 235 km lang wörrè. Im Voglych zum Uusbauzuèschtand 2018 sin unter andrèm èn durchgängigè 30-Minutè-Tagt bis Elzach, d Füürung vo dè S2 un S3 übber d Güèterbaan, d Volängerung vo dè S41 bis Sasbach un èn 15-Minutè-Tagt uff èm Abschnitt zwüschè Himmelrych un Goddene vorgsää sin. D S-Baan-Linniè hängt abber vom Bau vom drittè un vyrtè Gleis vo dè Rhydalbaan i dè Obberrhyebèni ab, well bi zwei Gleis suscht nit gnuèg Kapazidät für dè Regionalvokeer bzw. S-Baan zur Vofüègung stòt.[15]

Weblinggs ändere

Einzelnõchwys ändere

  1. Uwe Mauch: Freiburg: Kostensteigerung gefährdet Ausbau der Breisgau-S-Bahn (Memento vom 12. Juni 2018 im Internet Archive), Baddischi Ziting, 27. Novembèr 2012, abgruèfè am 10. April 2014
  2. 2,0 2,1 Uwe Mauch: Freiburg: Abstriche sollen die "Breisgau-S-Bahn 2020" retten (Memento vom 12. Juni 2018 im Internet Archive), Baddischi Ziting, 3. Dezembér 2012, abgruèfè am 10. April 2014
  3. Briisacher Baan uff zrf.de. Archiviert vom Original am 5. Oktober 2016; abgruefen am 10. September 2018.
  4. Kaiserstuhlbahn Ost: Goddènè – Riègel Ort – Ändigè uff zrf.de. Archiviert vom Original am 5. Oktober 2016; abgruefen am 10. September 2018.
  5. Elzdalbaan uff zrf.de. Archiviert vom Original am 6. Februar 2017; abgruefen am 10. September 2018.
  6. Ziele auf zrf.de. Archiviert vom Original am 11. September 2018; abgruefen am 10. September 2018.
  7. Sonderdrugg vo dè ETR 12/2011: Das Projekt Breisgau-S-Bahn 2020. Archiviert vom Original am 17. Dezember 2015; abgruefen am 10. September 2018.
  8. Baddischi Ziting: Land will Ausbau der Breisgau-S-Bahn vorantreiben, 8. Dezembèr 2012. Archiviert vom Original am 12. Juni 2018; abgruefen am 10. September 2018.
  9. Briisgau S-Baan 2020: DB Regio söll Zuèschlag für Oscht-Wescht-Achsè chriègè (Memento vom 10. Februar 2018 im Internet Archive) Nòòvokeersgsellschaft Baddè-Württébärg mbH, 19. Septembèr 2016, abgruèfé am 31. Januar 2017
  10. Bekanntgaab vom Minischterium für Vokeer un Infraschtruktur Baddè-Württèbärg
  11. DB Regio söll Zuèschlaag für Netz 4 „Rhydal“ chriègè (Memento vom 26. Augschte 2018 im Internet Archive) bahnblogstelle.de, 27. Januar 2017, abgruèfè am 31. Januar 2017
  12. Rainer Ruther: Staufè : "Wir haben einen guten Job gemacht" (Memento vom 26. Jänner 2017 im Internet Archive), Baddischi Ziting, 20. April 2013, abgruèfé am 24. April 2013
  13. Broschüre vom ZRF: Breisgau-S-Bahn 2020 (online (Memento vom 4. März 2016 im Internet Archive))
  14. Grundkonzèpt uff zrf.de. Archiviert vom Original am 14. September 2018; abgruefen am 10. September 2018.
  15. Fryburger Amtsblatt vum 22. Dezembèr 2007
  Dä Artikel basiert uff ere fräie Übersetzig vum Artikel „Breisgau-S-Bahn_2020“ vu de dütsche Wikipedia. E Liste vu de Autore un Versione isch do z finde.