D Briisgauer (latiinisch Brisgavi oder Brisigavi) sin e alamannischer Stomm gsi. Si hän sich im Gebiet vum hitige Briisgau ôgsidlet.

D Brisigavi werdet nume ide Notittia dignitatum gnennt, emene römische Handbuech usem früene 5. Joorhundert, wo d Verwaltig und di militärischi Organisation vom Römische Riich ufzaichnet. Deno hend d Brisigavi seniores (»die ältere Briisgauer«) zäme mit de Mattiaker römischi Hilfstruppe gstellt, wo z Spanie stationiert gsii sind, wäred d Hilfstruppe vo de Brisigavi iuniores (»di jüngere Brisgauer«) z Italie gstande sind.

Ahand vo de Lokalisierig chöned de Gundomadus, de Vadomarius und de Vidigabius as Könige vo de Brisgauer bitrachtet werde.

De Name setzt e keltische Orts- oder Flussname fort und lebt im Name vom hütige Briisgi witter. De Name vo Briisach (lat. Brisiacum) ghört ebefalls dezue.

Quelle ändere

  • Notitia dignitatum in partibus Occidentis 5,52-53; 7,25; 7,128

Literatur ändere

  • Karlheinz Fuchs, Martin Kempa, Rainer Redies Die Alamannen (Ausstellungskatalog) Verlag Theiss Verlag Stuttgart 2001, ISBN 3-8062-1535-9
  • Dieter Geuenich Geschichte der Alemannen, Verlag Kohlhammer Stuttgart 2004, ISBN 3-17-018227-7 / ISBN 3-17-012095-6
  • Reallexikon der Germanischen Altertumskunde, Walter de Gruyter Berlin, Band 10