Brigitte Neidig

D Brigitte Neidig (* 1944 z Offeburg as Brigitte Kühn) isch e dytschi Bankchauffrau un Dialäktdichteri.

d Brigitte Neidig (vorderi Raie in dr Mitti) bi dr Läsig vu dr Lohrer Murre 2021

Lääbe

D Brigitt Neidig het Bankchauffrau glehrt un 40 Johr lang im Beruef gschafft. Alemannisch het si vu ihre Mueter glehrt, ihre Vater het Mannemerisch gschwätzt. In dr 1990er Johr het si uf Alemannisch aafange schrybe, vor allem Gedicht un chirzeri Gschichte. Sie duet ihri Wärch gärn bi Läsige vordrage, unter anderem au bi Seniorenomittag.

In verschidene Anthologie, Johrbiecher un Haimethefte het si Gedichte un Gschichte publiziert, unter anderem in „Alemannisch dunkt üs guet“ vu dr Muettersproch-Gsellschaft, im Johrheft „Dr Bott“ vum Verein Dorfgeschichte Windschläg un im Johrbuech „Ortenau“ vum Historischen Verein Mittelbaden.

Anne 2004 het si bim Mundartwettbewärb Mir sueche die Beschde vum SWR, dr Badische Zytig un dr Muettersproch-Gsellschaft mitgmacht un fir dr Prosatäxt „Der erste Lauf“ dr 2. Bryys gwunne. Vum Künstlerkreis Windschläg het si 2012 e Bryys fir ihri Churzgschicht „Der Giggler“ iberchuu un 2015 het si bim „Landschreiber-Wettbewerb“ z Münster fir s Gedicht „Minni Muetterschbrooch“ dr Sunderbryys „Dialekt“ kriegt.

D Neidig isch e aktiv Mitglid bi dr Muettersproch-Gsellschaft, im Künstlerkreis Windschläg un im Autoren-Netzwerk Ortenau-Elsass

Uuszaichnige

• 2005: 2. Bryys bim Mundartwettbewerb SWR / Badische Zeitung / Muettersproch-Gsellschaft
• 2012: Bryys vum „Künstlerkreis Offenburg-Windschläg“
• 2015: „Sonderpreis Dialekt“ bim Landschreiber-Wettbewerb Münster, Gesellschaft für Deutsche Sprache

Weblink

• Autorennetzwerk Ortenau/Elsass: Brigitte Neidig
• d Brigitte Neidig uf dr Websyte vu dr Muettersproch-Gsellschaft
• Täxtprobe: De erschde Lauf uf frsw.de