Bresidänt vum Dytsche Bundesdag

(Witergleitet vun Bundestagspräsident)

Dr Bresidänt vum Dytsche Bundesdag, au Bresidänt vum Bundesdag[1] oder Bundesdagsbresidänt gnännt[2][3][4], isch dr Bresidänt vum Barlemänt vu dr Bundesrepublik Dytschland. Är het noch em Inlandsprotokoll vu dr Bundesregierig s zwoothechscht Staatsamt.[5] Är isch au glychzytig dr Bresidänt vu dr Bundesversammlig. Amtsinhaber isch zurzyt dr CDU-Bundesdagsabgordnete Norbert Lammert.[4]

Dr amtierend Bundesdagsbresidänt Norbert Lammert
Dr Erich Köhler wird zum 1. Bundesdagsbresidänt gwehlt

Wahl ändere

Der Bundestagsbresidänt wird us dr Mitti vum Dytsche Bundesdag gwehlt. D Wahl erfolgt dur di Abgordneten in dr konschtituierende Sitzig vum nei gwehlte Barlemänt. Bis zue dr Wahl wird d Sitzig dur dr Altersbresidänt glaitet.

In dr Regle stellt d Fraktion mit dr maischten Abgordnete dr Bundesdagsbresidänt. Die Praxis het si scho in dr Weimarer Republik yyburgeret ghaa, s git aber kai gsetzligi Bstimmig doderzue. D Amtszyt vum Bundestagsbresidänt hert uf mit dr jewylige Legislaturperiod. Är isch dodermit grundsätzlig nit absetzbar. E Widerwahl isch megli, wänn dr bishärig Amtsinhaber wider Abgordnete vum neie Bundesdag isch.

S isch nit gängig, ass es bi dr Wahl zum Bresidänt zuen ere Kampfkandidatur chunnt. Nume noch eme zmolige Dod vum Hermann Ehlers anne 1954 het s en Uusnahm gee. Bi dr Wahl am 16. Novämber 1954 sin zwee Fraktionskollege gegenenander aadrätte: Gege dr offiziäll CDU/CSU-Kandidat Eugen Gerstenmaier isch dr Ernst Lemmer aadrätten un het erscht im dritte Wahlgang verlore.

Stellverdrätter ändere

Dr Bundesdagsbresidänt het mehreri Stellverdrätter (Vizebresidänt vum Dytsche Bundesdag oder Bundestagsvizebresidänt), wu gängigerwys vu dr Fraktione gstellt wäre, wu im Bundesdag verdrätte sin. Dr Bundesdagsbresidänt un syni Stellverdrätter bilde s Bundesdagsbresidium.

Bis zum Aafang vu dr 13. Wahlperiod 1994 isch d Zahl vu dr Stellverdrätter in dr Gschäftsornig nit feschtglait gsii, syterhär mueß jedi Fraktion zmindescht ain Stellverdrätter haa.

Gsetzligi Grundlage ändere

Gsetzligi Grundlag fir dr Bundesdagsbresidänt un syni Stellverdrätter isch Art. 40 Grundgsetz. Doderno wehlt dr Bundesdag sy Bresidänt un däm syni Stellverdrätter. Derzue git si dr Bundesdag e Gschäftsornig, wu syt eme Urdail vum Bundesverfassigsgricht vu 1952 no jedere Bundesdagswahl nei mueß erloo wäre.[6] In dr Praxis wird zmaischt di bishärig Gschäftsornig nei ufglait.

Ufgabe ändere

Di wichtigscht Funktion vum Bundesdagsbresidänt isch d Laitig vu dr Bundesdagssitzige. Doderzue hockt er vorne uf em Podium im Plenarsaal vum Bundesdag. Dr Bundesdagsbresidänt verdritt dr Bundesdag un isch Adressat vu allne Gsetzentwirf un Vorlage, wu vu dr Bundesregierig, vum Bundesrot oder us em Bundesdag yybrocht wäre.

Derzue het dr Bundesdagsbresidänt s Huusrächt un d Bolizeigwalt iber d Bundesdagsbolizei. Är isch au di eberscht Dienschtbeherde vu dr Bundesdagsbeamte.

Rächt un Pflichte vum Bundesdagsbresidänt sin in dr Gschäftsornig greglet.

Dr Bundesdagsbresidänt isch au dr Empfänger vu dr Rächeschaftsbricht vu dr bolitische Byarteie, iberwacht d Yyhaltig vu dr Barteispändegsetz un reglet d Wahlkampfcheschtenerstattig.

Lischt vu dr Bresidänte ändere

Bundesdagsbresidänte vu dr Bundesrepublik Dytschland[7]
Name Lääbesdate Bartei Aafang vu dr Amtszyt Ändi vu dr Amtszyt Lengi vu dr Amtszyt
01 Kohler, Erich Erich Köhler 1892–1958 CDU 7. September 1949 18. Oktober 1950 0406 1 Johr un 41 Däg
02 Ehlers, HermannHermann Ehlers 1904–1954 CDU 19. Oktober 1950 29. Oktober 1954 1471 4 Johr un 10 Däg
03 Gerstenmaier, EugenEugen Gerstenmaier 1906–1986 CDU 16. November 1954 31. Januar 1969 5190 14 Johr un 76 Däg
04 Hassel, Kai-Uwe vonKai-Uwe von Hassel 1913–1997 CDU 5. Februar 1969 13. Dezember 1972 1407 3 Johr un 312 Däg
05 Renger, AnnemarieAnnemarie Renger 1919–2008 SPD 13. Dezember 1972 14. Dezember 1976 1462 4 Johr un 1 Dag
06 Carstens, KarlKarl Carstens 1914–1992 CDU 14. Dezember 1976 31. Mai 1979 0898 2 Johr un 168 Däg
07 Stucklen, Richard Richard Stücklen 1916–2002 CSU 31. Mai 1979 29. März 1983 1398 3 Johr un 302 Däg
08 Barzel, RainerRainer Barzel 1924–2006 CDU 29. März 1983 25. Oktober 1984 0576 1 Johr un 210 Däg
09 Jenninger, PhilippPhilipp Jenninger 1932 * 1932 CDU 5. November 1984 11. November 1988 1467 4 Johr un 6 Däg
10 Sussmuth, Rita Rita Süssmuth 1937 * 1937 CDU 25. November 1988 26. Oktober 1998 3622 9 Johr un 335 Däg
11 Thierse, WolfgangWolfgang Thierse 1943 * 1943 SPD 26. Oktober 1998 18. Oktober 2005 2549 6 Johr un 357 Däg
12 Lammert, NorbertNorbert Lammert 1948 * 1948 CDU 18. Oktober 2005 6737 bisher 18 Johr un 163 Däg


Literatur ändere

  • Michael F. Feldkamp (Hrsg.): Der Bundestagspräsident. Amt – Funktion – Person. 16. Wahlperiode. Olzog, München 2007, ISBN 978-3-7892-8201-0.

Weblink ändere

Fueßnote ändere

  1. Art. 39 Grundgsetz vu dr Bundesrepublik Dytschland (GG)
  2. Präsidium des Deutschen Bundestages. Deutscher Bundestag, abgruefen am 28. November 2015.
  3. Die Bundestagspräsidenten Archivlink (Memento vom 5. April 2016 im Internet Archive). Abgerufen am 28. November 2015
  4. 4,0 4,1 Das Präsidium des Deutschen Bundestages. (PDF; 5,4 MB) Deutscher Bundestag, S. 9, archiviert vom Original am 18. Juli 2011; abgruefen am 17. Juli 2009.
  5. Protokollarische Rangfragen. bmi.bund.de, 20. Juni 2008, abgruefen am 7. Dezember 2014.
  6. BVerfG, Urteil vom 6. März 1952, Az. 2 BvE 1/51, Vorlage:BVerfGE.
  7. BLICKPUNKT BUNDESTAG: Die Präsidenten des Deutschen Bundestages von 1949 bis 2005
  Dä Artikel basiert uff ere fräie Übersetzig vu dere Version vum Artikel „Präsident_des_Deutschen_Bundestages“ vu de dütsche Wikipedia. E Liste vu de Autore un Versione isch do z finde.