Alemannische Wikipedia

dr Flug 5735 vum China Eastern Airlines

Dr Flug 5735 vum China Eastern Airlines (Flugnummer MU5735) ìsch a nàzionààler Liniaflug vu Kunming (Volksrepüblik Kina) uff Guangzhou (Volksrepüblik Kina) gsìì, wo àm 21. März 2022 um 14:22 Uhr Ortszitt (06:22 Uhr UTC, 07:22 Uhr MEZ) bii dr Schtàdt Wuzhou àbgschtìrtzt ìsch. S’ Flugzigg ìsch a Boeing 737-800 vum China Eastern Airlines (CES) gsìì. Àm Ààfàng vum Sìnkflug vor dr Làndung hàt d’ Màschììna vìel Heecha verloora un hàt àm Booda uffgschlààga.[1][3]

Flug 5735 vum China Eastern Airlines

D’ Màschììna, wo àbgschtìrtzt ìsch —doo ìm Àuigscht 2015.

Unfall-Zusammenfassung
Uufallart ’s wìrd noch ärmìttelt
Ort bii Teng ìm aigaschtandiga Gebiat Guangxi, China Volksrepublik Volksrepublik China, 23° 19′ 27″ N, 111° 6′ 43″ OKoordinate: 23° 19′ 27″ N, 111° 6′ 43″ O
Datum 21. März 2022
Todesopfer 132[1]
Lüt, wo überläbt hän 0[1]
Luftfahrzüüg
Luftfahrzüügtyp Boeing 737-800
Betriiber China Eastern Airlines
Kännzeiche B-1791
Flugnummere MU5735
Abflughafe China Volksrepublik Flughààfa Kunming-Changshui
Zilflughafe China Volksrepublik Flughààfa Guangzhou-Baiyun
Passagier 123[2]
Besatzig 9
Dialäkt: Mìlhüüserdiitsch

s’ Flugzigg

ändere

S’ Flugzigg ìsch a Boeing 737-800 gsìì, wu-n-äbb sewana Joohra àlt gsìì-n-ìsch. ’S hàt dr Luftfàhrzigg-Kännzaicha B-1791 un dr Serianummer 41474 trajt. ’S ìsch ìm Jüüni 2015 glìefert worra gsìì un ìsch sitterhar vum China Eastern Airlines gnutzt worra. Bis zem Unfàll hàt’s 18.239 Flugschtunda ìn 8986 Flugzykla z’ruckglajt.[4]

d’ Fluggascht un d’ Bsàtzung

ändere

Àn Bord sìnn 123 kineesischa Fluggascht[5] so wia 9 kineesischa Bsàtzungsmìtglìeder gsìì.[6] Biim Unfàll sìnn àlla Litt àn Bord ums Laawa kumma.[1] Dr Flugkapitään hàt insgsàmt 6.709 Flugschtunda ghàà, dr Äärschta Offiziar mehr àss 31.769 Schtunda, un dr Zwaita Offiziar mehr àss 556 Schtunda. Dr Zwaita Offiziar ìsch numma Beobàchter àn Bord gsìì, fìr Ärfàhrung sàmmla.[4]

dr Verlàuif vum Flug

ändere
 
dr Raisawaag vum Flug.

Plànmaasig hàt dr Flug um 13:10 Uhr Ortszitt (05:10 Uhr UTC, 06:10 Uhr MEZ) solla ààfànga. S’ Flugzigg ìsch àwwer aina Minüüta schpeeter àbgflooga, um 13:11 Uhr Ortszitt (05:11 Uhr UTC, 06:11 Uhr MEZ). D’ Ààkunft àm Ziilflughààfa-n-ìsch fìr 15:05 Uhr Ortszitt (07:05 Uhr UTC, 08:05 Uhr MEZ) geplànt gsìì. Bis zem Àbschturz hàt dr Flug 1 Schtunda un 11 Minüüta düürt.[3]

Äbb 160 Kilometer vor’m Ziilflughààfa hann normàlerwiis d’ Pilota mìt’m Sìnkflug müassa ààfànga. S’ Flugzigg ìsch àn’ma Heecha vu 29.100 Füass (8.870 m) gsìì, wu-n-’s ìnnerhàlb vun era Minüüta schtail zem Booda gschìrtzt ìsch. Normàlerwiis hàt d’ Màschììna làngsàm àn Heecha müassa verliara, àwwer ìnnerhàlb vun 1 Mìnüüta un 35 Sekunda ìsch sa um fàscht 26.000 Füas (7.900 m) àbgschtìega —àm schnallschta-n-ìsch dr Àbschtìeg um äbb 31.000 Füass/min (äbb 570 km/h) gsìì. Drnooh ìsch dr Schturz fìr äbb 10 Sekunda unterbrocha worra, un d’ Màschììna-n-ìsch witter käijt, bis sa àm Booda-n-uffgschlààga hàt.[7][8]

’S ìsch a Video vun’ra Ìwwerwàchungskamera gsìì, wu-n-a längliga Objäkt z’ sah ìsch, wo nochzüa sankracht ìn’ma Wàld àm Booda uffschlààgt —dàs ìsch woohrschiinsig dr MU5735. Àui Àuigaziiga hann dr sankrachta-n-Àbschturz vum Flugzigg gsah. Wagem Àbschturz ìsch a Wàldbrànd gsìì.[9][10]

d’ Untersüachung um dr Unfàll

ändere

Biim Àbschturz hàt s’ Flugzigg a relàtiv grààdliniga Flugbàhn ghàà, un d’ Transponder sìnn àktiv blìewa. Wagadam kààt ma sààga, àss s’ Flugzigg nìt wahrem Flug äkschplodiart hàt —’s ìsch àlso kää Bùmba-n-ààschlààg gsìì.[7][8]

Waga da schlachta Watterbedìngunga sìnn d’ Àrweeta àn dr Unfàllschtälla schwar gsìì.

Àm 23. März 2022 hàt ma ainer vu da baida Flugschriiwer gfunda[11] —’s ìsch dr Schtìmma-n-uffnàhmsàpparàt vum Cockpit gsìì. Säcks Taag noh-n-em Àbschturz ìsch àui dr Dàta-Flugschriiwer äntdäckt worra.[12]

Àm 24. März 2022 ìsch verkìndigt worra, àss ma 10 km vu dr Àbschturzschtälla àwag a 1,3 m × 0,1 m grooser Trummer vum Flugzigg gfunda hàt —dàtoo ìsch noch unklààr, ob daa Tail sìch vor odd’r wahrem Àbschturz vum Flugzigg gtrännt hàt. Ìwwringens ìsch s’ Hàuipt-Trìmmerfald ìn’ma Umkrais vu 30 Meeter um dr Unfàllsort glaaga gsìì. Trìmmer hàt ma bis züa 20 Meter unter’m Booda gfunda.[4]

a pààr Bìlder

ändere
  •  
    D’ Àbschturzschtälla vu dr Luft üss gsah
  •  
    D’ Àrweeta àn dr Unfàllschtälla-n-àm 25. März 2022
  •  
    Dr äärschta gfundena Flugschriiwer
  •  
    Dr zwaita gfundena Flugschriiwer
ändere
  Commons: dr Flug 5735 vum China Eastern Airlines – Sammlig vo Multimediadateie

Ainzelnohwiisa

ändere
  1. ↑ 1,0 1,1 1,2 1,3 Unfallbericht B-737-800, B-1791
  2. ↑ Boeing 737-800 abgestürzt – China Eastern groundet Modell. In: aerotelegraph.com. 21. März 2022, abgruefen am 22. März 2022.
  3. ↑ 3,0 3,1 Flugverlauf MU5735 – Flightradar24. In: flightradar24.com. 21. März 2022, abgruefen am 21. März 2022 (änglisch).
  4. ↑ 4,0 4,1 4,2 Simon Hradecky: Crash: China Eastern B738 near Guangzhou on Mar 21st 2022, lost altitude and impacted terrain. In: The Aviation Herald. 21. März 2022, abgruefen am 24. März 2022 (änglisch).
  5. ↑ Airline bestätigt tote Passagiere und Crew-Mitglieder. In: SRF News. Schweizer Radio und Fernsehen, 22. März 2022, abgruefen am 21. März 2022.
  6. ↑ Flugzeug mit 132 Insassen verunglückt. In: tagesschau.de. 21. März 2022, abgruefen am 22. März 2022.
  7. ↑ 7,0 7,1 Alan Levin: Sturzflug von China-Jet aus 9km-Höhe verblüfft Crashspezialisten. Bloomberg, 22. März 2022, abgruefen am 22. März 2022.
  8. ↑ 8,0 8,1 Alan Levin: China Jet’s Nosedive From 29,000 Feet Baffles Crash Specialists. Bloomberg, 21. März 2022, abgruefen am 21. März 2022.
  9. ↑ Thomas Barrabi: Boeing shares tank after China Eastern Airlines plane crash. In: New York Post. 21. März 2022, abgruefen am 21. März 2022 (änglisch).
  10. ↑ Aurora Bosotti: Flight 5735 crash: Moment China Eastern Airlines plane 'nosedives' to ground – Video. In: Daily Express. 21. März 2022, abgruefen am 21. März 2022 (änglisch).
  11. ↑ Flugschreiber nach Absturz in China gefunden. Frankfurter Allgemeine Zeitung, 23. März 2022, abgruefen am 23. März 2022.
  12. ↑ dpa: Mysteriöser Absturz in China: Zweite Blackbox gefunden. In: Süddeutsche Zeitung. 27. März 2022, abgruefen am 5. April 2022.
  Dä Artikel basiert uff ere fräie Übersetzig vu dere Version vum Artikel „China-Eastern-Airlines-Flug_5735“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=China-Eastern-Airlines-Flug_5735&oldid=1030328"