Volksrepublik China

D`Volksrepublik China isch ä Land z`Oschtasie.

Zhōnghuá Rénmín Gònghéguó Volksrepublik China
{{{ARTIKEL-FLAGGE}}} {{{ARTIKEL-WAPPEN}}}
Amtsspraach	Hochchinesisch (Mandarin)
Hauptstadt	Peking (Beijing)
Staatsoberhaupt	Xi Jinping
Regierigschef	Li Qiang
Flächi	9'571'302 km²
Iiwohnerzahl	1,330 Mrd. (Juli 2008)
Bevölkerigsdichti	137,6 Iiwohner pro km²
Bruttoinlandsprodukt	* dodal (PPP): $6.991 Mrd dodal (nominal): $3.250 Mrd. bro Ywohner (PPP): $5.292 bro Ywohner (nominal): $2.461
Human Development Index	0,777
Währig	Renminbi (RMB) 1 Yuan entspricht 10 Jiao
Gründig	1. Januar 1949
Nationalhimne	Marsch der Freiwilligen
Zitzone	UTC+8 = MESZ+7
Internet-TLD	.cn
Vorwahl	+86

D`Volksrepublik China (Rotchina) grenzt a 14 Staatä: d'Mongolei, Nordkorea, Nepal, Kasachschtan, Russland, Kyrgyzschtan, Tadschikischtan, Indie, Pakischtan, Afghanistan, Bhutan, Myanmar (ehemols Burma), Laos und Vietnam. Wenn mä Taiwan däzuäzellt sinds sogar 15 Staatä. China hät ä Flächi vo 9.572.419 km². Schätzigä vo 2005 zofolg hät Rotchina meh als 1.3 Milliardä Iwohnär. D'Hauptschdadt vo China isch Peking (北京; pīnyīn: Běijīng). Ca. 800 Millionä Chinesä reded Hochchinesisch.

As git zwai Staate, wo dr Name China in Aaspruch nääme. S'erschte China isch d'Volksrepublik China (Rotchina oder Feschtlandschina, wo mer üblichärwis dämit mainäd) und s'andere China isch d'Republik China, also d'Inslä Taiwan, wo dä ältärä Lüüt bessär als "Formosa" bekannt sin. Undär dä Kaisärrich hend diä baidä China ämol zämeghört. Doch wo noch äm Zwaitä Wältchriäg die japanische Bsetzer usägworfä worre sin, hät's än Bürgärchriäg zwüschät dä Kommunischtä undär dä Füärig vom "Buuräfuärär" Mao Zedong, mengmol au Mao Tse-tung gnännt, und dä nationalistischä Kuomintang undär äm General Chiang Kai-Shek (蔣介石, Pinyin-Umschrift: "Jiǎng Jièshí") geh. D'Kommunischtä sind us dem Chriäg als Sigär uf äm Feschtland usägangä, allärdings hät sich d'Regiärig undär äm Chiang Kai-Shek uf d'Inslä Taiwan (台灣; pīnyīn: Táiwān) zrugzüchä chönnä. Am 1. Oktobär 1949 hät dä Mao Zedong d'Volksrepublik China proklamiärt und hät ä kommunischtische Schtaat ärrichtät. Dämit isch zwor d'Unabhängigkait vo China widärhägestellt gsi, jedoch hät di teilwiis desaströsi Politik vom Mao Zedong Dutzändi vo Millione vo Menschäläbä koschtät, wiä zum Bispiil im "grossä Schprung noch vornä" odär dä sogenanntä "Kulturrevolution".

Noch em Dood vom Mao het sich in dr Kommunistische Bardei vo China schliesslig e bragmatischi Linie duuregsetzt, wo d Wirtschaft liberalisiert het, aber die politischi Macht fest in de Händ vo dr Bardei gloo het.

Quälle/Amerkige

D Epoche vorhäär Republik China	Zitdaafele vo dr chinesische Gschicht	D Epoche noochhäär -