Bevölkerigsdichti

D Bevölkerigsdichti isch d mittleri Azau vo Ywohner pro Flächi für nes bestimmts Gebiet (Staat, Region oder ähnliches), ir Regu agäh i Ywohner pro km². Me tuets errechne, indem me d Ywohnerzau vom Gebiet dür d Flächi vom Gebiet teilt.

Wäutcharte för d Bevölkerigsdichti - Stand 1994
Uffäuig dür höchi Bevöukerigsdichti: Bangladesh, Japan, Java, Korea, Indie, Oschtchina, Niederlande, Grossbritannie, Niudeuta, US-Ostchüschte

Mängisch wird dr Kehrwärt, d'Arealitätsziffer agäh (Flächi pro Ywohner).

Byspiu

Ds Land mit dr

• höchschte Bevölkerigsdichti: Monaco 16'620 Yw./km²
• chlynschte Bevölkerigsdichti: Grönland 0,025 Yw./km²

Zum Verglych:

• Dütschland 231 Yw./km²
• Liachtasta 218,8 Yw./km²
• Schwiz 183,9 Yw./km²
• Öschtrych 99,5 Yw./km²

Ussagekraft

Wil ime Land nöd alli Gebiet (z. B. Gwässer, Gletscher, Gebirge, Wüestene, militärischi Sperrzonene usw.) chönd bewohnt wärde, sind die Zahle nu bedingt ussagekräftig. Gnauer wär d Besidligsdichti, wo me nu mit de theoretisch bewohnbare Flächi rächnet.