Staatsoberhaupt
S Staatsoberhaupt stoot am Spitz vo dr staatlige Ämterhierarchii. Es representiert dr Staat gege inne und gege usse. Es isch im Sinn vom Völkerrächt dr Verdräter vo sim Land, wo im Allgemäine en umfassendi Vollmacht het. Es bestätigt formal d Ernennig in Staatsämter und setzt Gsetz in Chraft. Wie s Staatsoberhaupt gweelt wird und was für Funkzioone es het isch e zentraals Merkmol vo dr Staatsform.
Staatsschef isch en inoffizielli Bezäichnig, wo chürzer isch und doorum in Wändige wie Staats- und Barteischef (vom ene kommunistische respektiv eme realsozialistische Staat) oder Staats- und Regierigsschef (vo dr Öiropäische Union) verwändet wird und sich allgemäin uf die Staatsoberhäupter beziet, wo näbe iire representative Ufgoobe au exekutivi häi und eso in dr Politik vo iirem Land maassgääblig si, zum Bischbil dr franzöösisch oder dr amerikanisch Bresidänt.
Staatsoberhöipter
ändere- In Monarchie: e Monarch (Köönig, Kaiser, Zar, Herzoog usw.)
- In de Commonwealth-Köögigriich isch dr Monarch vom Veräinte Köönigriich s Statsoberhaupt
- In Republike: e (Staats)bresidänt, Staatsschef (Frankriich under em Vichy-Reschiim, Spanie under em Franco), d Schwiz het kä formells Staatsoberhaupt aber e Bundesbresidänt, Andorra und San Marino häi bäidi zwäi Staatsoberhöipter
- In Bundesstaate: Guvernöör (USA), Ministerbresidänt vom e Bundesland (Bundesrepublik)
- Im Vatikan: dr Babst as gweelte absolute Monarch
Weblingg
ändere
Commons: Staatsoberhöipter – Sammlig vo Multimediadateie- „Staatsoberhaupt“, in: Das Politiklexikon uf de Website vo de Bundeszentrale für politische Bildung
|
Dä Artikel basiert uff ere fräie Übersetzig vum Artikel „Staatsoberhaupt“ vu de dütsche Wikipedia. E Liste vu de Autore un Versione isch do z finde. |