Exekutive

D Exekutive (im 18. Joorhundert usgleent us em französischen pouvoir exécutif „vollziejendi Gwalt“ vo latiinisch exsequi „usfüere“) isch in dr Staatstheorii näbe dr Legislative (Gsetzgääbig) und dr Judikative (Rächtssprächig) äini vo de drei Gwalte.

D Gubernative vo dr Schwiz uf dr Bundesebeni – dr Bundesroot (offiziells Foti vom Bundesroot 2016)

Si umfasst d Regierig (Gubernative) und die öffentligi Verwältig (Administrative). Iiri Hauptufgoob isch s, d Gsetz aazwände, wo d Legislative erloo het. Aber au d Exekutive cha Norme setze, zum Bischbil het si s Rächt Rächtsverordnige z erloo. Sonigi Verordnige häi aber nid dr Status vo Gsetz, sondern wärde vo Gsetz abgläitet, wo bestöön.

Im Geegesatz zur Legislative, wo s je noch Staatsform mäistens nume uf äinere Ebeni (in Äihäitsstaate) oder uf zwäi Ebene (in Bundesstaate) git, existiere exekutivi Orgaan in de mäiste Staate uf meerere Ebene, vo dr Staatsebeni aabe bis zur Ebeni vo dr Gmäind.

Dä Artikel basiert uff ere fräie Übersetzig vum Artikel „Exekutive“ vu de dütsche Wikipedia. E Liste vu de Autore un Versione isch do z finde.