Hauptmenü ufmache

Einwohnerzahl

d Zaal vo de Persoone, wo im ene bestimmte Gebiet woone

D Iiwoonerzaal isch d Zaal vo de Persoone, wo im ene definierte Gebiet woone, sig s e Gmäind, e Dorf, e Stadt, e Regioon usw.

Geografischi IiwoonerzaaleBearbeite

D Zaal vo de Iiwooner vom ene Gebiet wird über e Volkszelig erhoobe. Dank modärne statistische und technisierte Methoode längt s, wemm mä äimol all baar e Volkszellig macht und denn d Iiwoonerzaale immer wider nöi berächnet. So het mä zum Bischbil d Resultaat vo de Zellige vo 1981 in dr DDR und vo 1987 in dr Bundesrepublik bis 2013 brucht.

D Bevölkerigsdichdi, also d Zääl vo de Iiwooner bro Kwadratkilometer, bechunnt mä, wemm mä Zaal vo de Iiwooner vom ene Gebiet dur d Gsamtflechi vo däm Gebiet diwidiert.

 
D Alterspüramiide vo Dutschland, 2015

As Standortfaktore im Beriich vo dr Bevölkerigsdichdi cha mä die vier Bedingige aagee:

  • Arbetsblätz
  • Finanz-Erdraag
  • Arealitätsziffere
  • Landwirtschaft

Us dene Faktore cha mä uf d Struktur vo dr Gsellschaft schliesse. E witere Index zum Bevölkerigs-Statistike z erfasse, isch d Bevölkerigspüramide oder Altersstruktur, das isch e statistischi Verdäilig vo Persone in Altersgrubbe, wo für jeedes Land andersch isch.

Amtligi IiwoonerzaaleBearbeite

Z Dütschland wärde „Amtligi Iiwohnerzaale“ vo de Länder, Landkräis und Gmäinde vo de „Statistische Landesämter“ festgstellt und veröffentligt. Uf die Zaale stützt sich die öffentligi Verwaltig, wenn s drum goot, eme Gebiet si verheltnismässige Däil an finanzieller Understützig, Sitz im Parlamänt, d Iidäilig in Waalkräis usw. zuezwiise. In dr Schwiz säit mä dere Zaal au die «zivilrächtligi Iiwoonerzaal».

WeblinggBearbeite

  • Aktuelli Iiwoonerzaal vo Dütschland: Gemeindeverzeichnis-Informationssystem GV-ISys Statistischs Bundesamt uf destatis.de
  • Aktuelli Iiwoonerzaal vo Ööstriich: Gemeindedaten Statistik Austria uf statistik.at
  • Aktuelli Iiwoonerzaal vo dr Schwiz: Bevölkerung vom Bundesamt för Statistik vo de Schwiz uf bfs.admin.ch
  • Iiwoonerzaale vo de grösste Stedt vo alle Länder uf dr Wält: City Population uf citypopulation.de
  • Iiwoonerzaale und Projekzioone vo alle Länder und Regione uf dr Wält: Länderdatenbank vo Deutsche Stiftung Weltbevölkerung uf dsw.org
  Dä Artikel basiert uff ere fräie Übersetzig vum Artikel „Einwohnerzahl“ vu de dütsche Wikipedia. E Liste vu de Autore un Versione isch do z finde.