Claudius

De Tiberius Claudius Caesar Augustus Germanicus (urschprünglich: Tiberius Claudius Nero Germanicus; * 1. Ougschte 10 v. Chr. z Lugdunum, † 13. Oktober 54) isch en römische Kaiser gsi. Er het vom Johr 41 bis zu sim Tod im 54i gherrscht. Er isch de viert Kaiser vo de julisch-claudische Dynaschtii gsi und de erschti Kaiser, wo nöd z Italie uf d Wält isch cho. Sini Ältere sind de Nero Claudius Drusus und d Antonia Minor gsi.

Claudius
Kaiser vo Rom
Tiberius Claudius Caesar Augustus Germanicus
Regierigsziit	24. Januar 41 – 13. Oktober 54
Name	Tiberius Claudius Drusus (vo dr Geburt bis zum Johr 4 noch dr Ziitwändi); Tiberius Claudius Nero Germanicus (vom Johr 4 bis zur Drohnbestiigig); Tiberius Claudius Caesar Augustus Germanicus (as Kaiser)
Uf d Wält cho	1. August 10 BCE
Geburtsort	Lugdunum, Gallie
Gstorbe	13. Oktober 54 (im Alter vo 63)
Begrabe	Mausoleum vom Augustus
Vorgänger	Caligula
Nochfolger	Nero, Stiefsohn vo dr vierte Frau, dr Agrippina
Verhürotet mit	Plautia Urgulanilla Aelia Paetina Valeria Messalina Agrippina die Jüngeri

De Claudius isch - so jedefalls d Überliiferig vo de römische Gschichtsschriiber - en körperlich schwächlicher Kaiser gsi. Us dem Grund hät z erscht au niemet mit grächnet, dass er chönnti Kaiser werde. D Familie het ihn vo öffentliche Uftritt usgschlosse. Vilicht isch er sogar numme us dem Grund Kaiser worde, wil er vermuetlich deswäge bi de "Süberigesaktione" vom Tiberius und em Caligula nöd umbrocht worden isch. Jedefalls isch er de letschti männlichi Erwachseni vo sinere Familie gsi, wo de Caligula umbrocht worden isch.

Vorgänger Caligula

Römische Kaiser 41–54

Nochfolger Nero