Colosseum

S Colosseum (italienisch: Colosseo) isch en Amphitheater fer 50.000 Zueschauer in Rom und isch zwische 72 und 80 n. Chr. vom Kaiser Titus baut wore. Es isch nid nume s gröscht Amphitheater vom römische Reich, sondern s grösste wo je uf dr ganze Wält baut wore isch. Es het d Form von ere Ellipse und isch 156 Meter bräit, 188 Meter lang und het en Umfang vo 527 Meter und e Hööchi vo 48 Meter.

Colosseum

Zueschauer

Im Colosseum het s 50'000 Blätz für Zueschauer ghaa. S podium, die ersti Räije vo de Sitzblätz, isch für die römische Senatoore reserviert gsi. Au dr Käiser het do si Losche (pulvinar) ghaa. In de Räije drüüber isch s Maenianum primum gsi, wo d Equites ghockt sii. Witeroobe si d maenianum secundum gsi, wo im underste Sektor drvo (imum) die woolhabende Bürger gsässe si, und im oberste (summum) die ermste Römer. D Fraue vo de Arme häi ganz oobe nooch müesse stoo.

D Arena

D Arena isch elliptisch, 54 Meter bräit und 86 Meter lang. Si het käini Egge ghaa, so dass d Gladiatoren, zum Dood Verurdäilti oder d Dier sich nid im ene Egge häi chönne verstecke. Dr Boode isch us Holz gsi und druf het mä Sand gströit. Vo doo chunnt dr Begriff Arena, wo uf latiinisch Sand bedütet. Under em Holzboode si Chäller gsi, wo s Cheefig gha het für d Dier und die Verurdäilte.

Es isch mööglig gsi, dr Holzboode uuseznee und d Arena mit Wasser z fülle und denn het mä Seeschlachte chönne organisiere.

Literatur

• Heinz Jürgen Beste: Neue Forschungsergebnisse zu einem Aufzugsystem im Untergeschoß des Kolosseums. In: Mitteilungen des Deutschen Archäologischen Instituts. Römische Abteilung. Nr. 106, 1999, ISSN 0342-1287, S. 249–276.
• Filippo Coarelli: Rom. Ein archäologischer Führer. Verlag von Zabern, Mainz 2000, ISBN 3-8053-2685-8, S. 185–194.
• Peter Connolly, Hazel Dodge: Die antike Stadt. Könemann, Köln 1998, ISBN 3-8290-1104-0.
• Peter Connolly: Colosseum. Arena der Gladiatoren. Stuttgart 2005, ISBN 3-15-010551-X.
• Heinz-Joachim Fischer: Rom. Zweieinhalb Jahrtausende Geschichte, Kunst und Kultur der Ewigen Stadt. DuMont Buchverlag, Köln 2001, ISBN 3-7701-5607-2, S. 187–189.
• Anton Henze: Kunstführer Rom. Reclam, Stuttgart 1994, ISBN 3-15-010402-5, S. 115–118
• Keith Hopkins/Mary Beard: Das Kolosseum, Reclam Universalbibliothek, Stuttgart 2010 ISBN 978-3-15-018611-4
• Brigitte Hinzen-Bohlen: Rom. Könemann, Köln 2000, ISBN 3-8290-3106-8.
• Giuseppe Lugli: Das Flavische Amphitheater. Bardi, Roma 1971.
• Fik Meijer: Gladiatoren. Das Spiel auf Leben und Tod. Artemis & Winkler, Düsseldorf 2004, ISBN 3-7608-2303-3.
• Sofia Pescarin: Rom. Antike Bauwerke der Ewigen Stadt. K. Müller, Köln 2004, ISBN 3-89893-562-0.

Weblink (externi Verwiis)

 Commons: Colosseum – Sammlig vo Multimediadateie

• Colosseum, Rome: Virtuelle Panoramen und Fotogalerie (italienisch/englisch)
• Amphitheatrum Flavium, sogenanntes Kolosseum in dr archäologische Datebank Arachne
• die-roemer-online.de Das Kolosseum (deutsch)
• Roma-Antiqua
• Kolosseum 360° IPIX PANORAMA