Conrad Niemansnarr

Dialäkt: Baseldütsch

Dr Conrad Niemansnarr, au Cunz Niemansnarr (zwüsche 1399 und 1408 z Baasel erwäänt), isch e Bildhauer und Bildschnitzer gsi, wo z Baasel gschafft het.

Was mä von em wäiss

Dr Conrad (Cunz) Niemansnarr (Niemandsnarr) isch zum erste Mol 1399/1400 in de Rächnige vo dr Münsterfabrik erwäänt worde. Für die het er e Schlussstäi mit dr Daarstellig vom Martyrium vom häilige Stephan im südlige Kwerschiff vom Basler Münster gmacht. No äinisch chunnt er in ere Urkund us em Joor 1408 vor, won er behauptet het, ass dr Mooler Lawelin bi Vergoldigsaarbete am Spaaledoor Gold underschlaage häig.

Es isch mööglig ass er idäntisch mit em Bildschnitzer Conrad vo Sulge isch, wo 1393 s Baasler Bürgerrächt üüberchoo het, oder villicht mit em Conrad Snetzer, wo mä von em wäiss, ass er 1429 e Mitgliid vo dr Basler Spinnwätterzumft gsi isch.

Litratuur

• Carl Brun (Red.): Schweizerisches Künstler-Lexikon.
• C. H. Baer: Die Kunstdenkmäler des Kantons Basel-Stadt I. Geschichte und Stadtbild. Befestigungen. Areal und Rheinbrücke; Rathaus und Staatsarchiv (= Kunstdenkmäler der Schweiz. Band 3). Uusegee vo dr Gsellschaft für Schwizerisch Kunstgeschicht GSK. Bärn 1932.
• Stefan Hess / Wolfgang Loescher: Möbel in Basel. Kunst und Handwerk der Schreiner bis 1798, Baasel 2012; ISBN 978 3-85616-545-1
• Annie Kaufmann-Hagenbach: Die Basler Plastik des fünfzehnten und frühen sechzehnten Jahrhunderts, Basler Studien zur Kunstgeschichte Band 10, Verlag Birkhäuser, Baasel, 1952.
• Hans Rott: Quellen und Forschungen zur südwestdeutschen und schweizerischen Kunstgeschichte im XV. und XVI. Jahrhundert III: Der Oberrhein, Quellen II, Stuttgart 1936.

Weblingg

• Niemansnarr, Conrad. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).

Dä Artikel basiert uff ere fräie Übersetzig vum Artikel „Conrad_Niemansnarr“ vu de dütsche Wikipedia. E Liste vu de Autore un Versione isch do z finde.