Copyleft

S Copyleft isch e Klausle in uurheeberrächtlige Nutzigslizänze, wo dr Lizänznäämer verpflichdet, jeedi Beaarbäitig vom Wärk (z. B. Erwiterig, Veränderig) under d Lizänz vom ursprünglige Wärk z stelle. D Copyleft-Klausle söll verhindere, ass verändereti Fassige vom Wärk mit Nutzigsiischränkige witergee wärde, wo s Originaal nit het. S Copyleft setzt vorus, ass s Kopiere und Bearbäite uf irgend e Wiis erlaubt si. Für sich elläi macht s aber käini Ussaage, wo witergönge über d Art und dr Umfang vo dr äigentlige Lizänz und mä cha s dorum in alli mööglige Lizänze iisetze, wo vom Inhalt us seer underschiidlig si.

S Copyleft-Logo. Es isch s Spiegelbild vom Copyrightzäiche (©).

Kwelle

Dr Ardikel «Copyleft» uf dr dütsche Wikipedia

Weblingg

 Commons: Copyleft – Sammlig vo Multimediadateie

• Richard Stallman: Was ist Copyleft? uf gnu.org
• copyleft.org: What is copyleft? (änglisch)