Angelika Kauffmann: Bordret vom David Garrick, 1764, Stamford, Burghley House

Dr David Garrick (* 19. Februar 1717 z Hereford, Ängland; † 20. Januar 1779 z London), isch e berüemte Schauspiiler im Zitalter vo dr Ufkläärig im 18. Joorhundert gsi. Er het as Komödiant wie au in ärnste Rolle bsunders uf de Londoner Büüne Erfolg ghaa. Er het au as Theaterdiräkter und Autor vo Büünestück e guete Naame ghaa. 1746 het men en an s Covent Garden Theatre z London iiglaade und im Joor druf het er zämme mit em James Lacy (1696–1774)[1] s Drury Lane Theatre kauft, won er sich vil im Shakespeare gwidmet het.

Sit 1749 isch dr Garrick mit dr Dänzere Eva Maria, geboreni Veigel verhürootet gsi, wo am 29. Februar 1724 z Wien uf d Wält cho isch. Z Floränz und z Wien isch si under em Künstlernaame „Violette“ as Dänzere und für iiri Tugendhaftikäit bekannt gsi, bevor si 1748 uf London cho isch.

LitratuurBearbeite

WeblinggBearbeite

  Commons: David Garrick – Sammlig vo Multimediadateie

FuessnooteBearbeite

  1. Oxford Dictionary of National Biography. Biographische Daten
  Dä Artikel basiert uff ere fräie Übersetzig vum Artikel „David_Garrick“ vu de dütsche Wikipedia. E Liste vu de Autore un Versione isch do z finde.