Deenigsmässsträife

Deenigsmässsträife (Abk.: DMS, änglisch: strain gauge) si Mässiirichdige zum Verformige z erfasse, wenn Körper deent oder gstuucht wärde. Si ändere scho bi seer chliine Verformige iire elektrisch Widerstand und wärden as Deenigssensore iigsetzt. Mä chläbt sä mit Spezialchlääber uf Baudäil, wo sich nume seer wenig verforme, wenn si belastet wärde. Die Verformig (Deenig) veränderet dr Widerstand vom DMS.

E Deenigsmässsträife. Dr Sensor streckt sich und registriert eso e Deenig in dr Wertikale

D DMS si s Kärnstück vo vile Tüpe vo Kontrollgräät: Chraftsensore, Wooge in alle Gröössenornige, vo Hushaltswooge bis zu Kranwooge, Drucksensore oder au Dräimomäntsensore. S Mässe vo Verformige (Experimentelli Beaaspruchigsanalüüse, Spannigsanalüüse) uf vile Wärkstoff cha mä au mit DMS-Mässige mache. Mä setzt drbii vor allem Bruggeschaltige ii, wo d Viertel-, d Halb- und d Vollbrugg drzueghööre.

Deenigsmässsträife git es in verschidnige Material und Forme wie Folie-, Droot-, und Halbläiter-DMS und as Meermol-DMS in verschidnige Aaornige wie DMS mit Kwerdeenig, Vollbrugg-DMS und Rosette-DMS.

WeblinggBearbeite

  Dä Artikel basiert uff ere fräie Übersetzig vum Artikel „Dehnungsmessstreifen“ vu de dütsche Wikipedia. E Liste vu de Autore un Versione isch do z finde.