Derry Girls

Derry Girls isch e nordirischi Coming-of-Age-Serie us 2018. Si isch vor Lisa McGee erfunde worde. D'Serie zeigt ds Alltagslebe vonere Teenagergruppe während em Nordirlandkonflikt am Afang vo de 1990-Jahre. Di ersti Staffle het am 4. Jänner 2018 Premiere gha, die zwöiti Staffle isch vom 5. März 2019 bis am 9. April 2019 uusgstrahlt worde. Dr Sender Channel 4 het am abe vom zwöite Staffelfinal akündigt, das d'Serie fürne dritti Staffle verlängeret isch worde.

Handlig

D'Serie spilt i dr nordirische, katholisch prägte Stadt Derry. Dört zeigt säch dr Alltag vo dr Teenagerin Erin, ihrere Cousine Orla u ihrne Fründe Clare u Michelle u Michelles britischem Cousin James.


Nr (ges.)	Nr. (St.)	Düütsche Titel	Originaltitel	Erstustrahlig UK	Dütschsprachegi Erstustrahlig (D)	Regii	Dräibuech
1	1	Folg 1	Episode One	4. Jan. 2018	28. Dez. 2018	Michael Lennox	Lisa McGee
Im Nordirland vo de 90er-Jahr herrscht e Konflikt zwüsche protestantische u katholische Interässevertäter. Ä Bombe ufere Brügg versetzt Bevölkerig i Ufregig. Für d'Teenager Erin, Orla, Michelle, Clare u James gits aber wichtigeri Sache, nämlech ihri Pubertät. D'Erin u d'Orla si Cousine u wohne zämme mit Erins Muetter Mary, Aunt Sarah (Marys Schwöschter, Orlas Muetter u somit Erins Tante), Erins Vater Gerry u Granda Joe unter eim Dach. Am erschte Tag vom neue Schueljahr stellt d'Michelle ihrne Fründinne Erin, Clare u Orla ihre Cousin James vor. Michelles Tante het Derry vor 16 Jahr verlah um in England ä Abtribig chönne dürezfüehre. Was si aber schlussendlech nie het düregfüehrt, si isch derte bliibe, bevor si nähr 16 Jahr später mit ihrem Sohn James wider nach Derry zrügggeit. James het grossi Angst dass er uf dr Gieleschuel weg sim englische Akzent permanent gmobbt chönnt werde. Deswäge wird er dr erscht männlech Schüeler a dr katholische Meitschischuel vo Derry. Im Bus zu Schuel bedroht d'Michelle ä Sibtklässlerin was dr Grund isch werum si ihrni Fründinne u dr James vo Vertrouenschüelerin Jenny Joyce zu Red gstellt wärde. Als d'Michelle säch weigeret sech be dr Sibtklässlerin z'entschuldige, mäldet Jenny dr Vorfall dr Nonne Sister Michael, wo ou d'Schuelleiterin vor Meitschischuel isch. Si verdonneret d'Gruppe zum Nachesitze, wäge dem d'Erin dr Uftritt vor Band ihres Schwarms David verpasst. Die 97-jähregi Nonne, wo ds Nachsitze beufsichtigt, verstirbt währenddesse.
2	1	Folg 2	Episode Two	11. Jan. 2018	28. Dez. 2018	Michael Lennox	Lisa McGee
D'Schuel bietet für alli vo interessiert si e Usflug nach Paris a. D'Erin, d'Clare, d'Orla, d'Michelle u dr James wei unbedingt gah, chöi sech aber die 375 £ für d'Reis nid leiste. D'Jenny profiliert sich vor de andere, dass si ds Gäld usemne Treuhandfonds entnimmt, de ihri Elter für si aagleit hei. Ke Familie vo dr Fründegruppe het ä Treuhandfons für ihri Vhinder zur verfüegig. Wäg däm bschliesse d'Fründe, sech z'Geld mit Näbejobs z'verdiene. Michelle stilt ä Pinnwand us dr Fish-and-Chips-Imbissbude vo Derry, uf dere Jobagebot agmacht si. Si wott vermide, dass sech ä anderi Person vorher bewirbt. Clare plage wägem Diebstahl Schuldgfüehl, was drzue füehrt das sis ihrere Muetter bichtet. Zur Straff müesse d'Fründe dr Imbiss putze. Da si usversehe Mayonnaise anstatt Putzmittel bruche, betritt d'Michelle fruschtriert u unerlaubterwis d'Privatwohnig vor Imbissbsitzerin im obere Stockwärk, um sech z betrinke. Mit em Alkohol us dr Huusbbar mischt si brönnendi Shots u setzt mit dene d'Wohnig i Brand. D'Erin u d'Orla hole ihri Müetter Mary u Sarah zur Hilf, wo d'Situation sölle rette. Doch d'Bsitzerin chunnt vor dr Vertuschigsaktion zrügg id Wohnig u verwütscht alli in flagranti. D'Mary lügt u seit das d'Michelle mittere Cherze i dr Hand gstogglet isch.
3	1	Folg 3	Episode Three	18. Jan. 2018	28. Dez. 2018	Michael Lennox	Lisa McGee
Nachdem d'Gruppe di ganzi Nacht für ihri Prüefige «glehrt» hei, gseh si uf em Schuelwäg ä Hund wo einsam dür d'Strasse louft. Er gseht us wie Erins Hund Toto, wo vor churzem vomene Outo isch überfahre worde. Dr Hund louft dä Teenager wäg, doch si verfolge ihn bis ine Chille, wo si ufzmal vorere Mariestatue stöh. Übermüedet u unterem Iifluss vom Restalkohol bilde si sech i das Statue se alächlet. Dr Hund bällt plötzlech, was aber asnchinend nur d'Erin interessiert, weshalb si ihm iz zwöite Stockwerk vor Chille folgt. Da dr Hund über dr Mariestatue uriniert, gsehts für di angere us als d'Statue wür gränne. D'Gruppe entscheidet sech, Sister Michael ihri «übernatürlechi» Erfahrig z'beschriibe, damit si a de Prüefige nid müesse teilnäh. Erin verschwigt d'Wahrheit zersch, da sech dr attraktiv Priester Peter fürd Gschicht interessiert u dr Gruppe söll bistah. Dr Pfarrer gloubt, dass dr Hund Toto uferstande sig u de Teenager dr Wäg zur Chille gwise heig. Als Bewiss söll d'Box wo dr Toto drine ligt, usgrabe werde, was d'Erin sehr närvös macht, da si Kadaver no i dr Box sött si. Jedoch isch d'Box läär was d'Erin sehr verwunderet. Si konfrontiert ihri Muetter mit dr Tatsache, wo ner zuegit das si dr Toto dr Nachbarin Maureen Malarkey gäh het. Hässig verzellt Erin ihrne Fründe d'Wahrheit über d'Statue, doch d'Gruppe entscheidet sech d'Lüg ufrechzerhalte. Peter offebart ar Erin, dass si Gloube u Zölibat ufd Probe gstellt wird u er überleit het mitere Frou, wo er liebt, dürezbrönne. Doch d'Gschicht vo de Teenager hei ihn a sim Gloube gfeschtigt. D'Erin gloubt, dass si di Gliebti si u verzellt ihm, dass d'Gschicht mit dr Mariestatue erfunde isch. Peter stellt jedoch klar das si nid d'Frou isch wo er liebt, was d'Erin sehr enttüscht. Da d'Gschicht its als Lüg enttarnt isch worde, si d'Teenager als Lügner gstemplet u müesse doch ihri Prüefige schriibe.
4	1	Folg 4	Episode Four	25. Jan. 2018	28. Dez. 2018	Michael Lennox	Lisa McGee
Im Rahme vomene internationale Programm zur Unterstützig vo de Opfer vor Tschernobyl-Katastrophe, bsueche es paar ukrainischi Schüelrinne u Schüeler d'Stadt Derry. Si wohne be nordirische Familie u bsueche ou di örtleche Schuele, Di ukrainischi Schüelerin Katya, e Ahängerin vor Gothic-Szene, wohnt während dr Zyt vom Ustusch be Erin u Orla deheime. Si interessiert sech nid sonderlech für z'Läbe in Nordirland u seit ar Erin, dr Nordirlandkonflikt sig sinnlos u unsinnig. Dennoch isch d'Katya sehr ahtah vom James u küsst ne unerhofft vor dä Ouge allne andere. D'Vertrouensschüelerin Jenny verastaltet für alli Ukrainer u andere Gastschüeler ä Party. D'Erin isch sehr argwöhnisch, was z Verhältnis vor Katya und em James ageit. Si gfindet Kondom i Katyas Täsche u bechunnt vo diverese Ukarainer uf dr Party Geld id Hand drückt, mit em Uftrag es ar Katya wiiterzgäh. Wäg dem gloubt si das d'Katya ä Prostituirti sig u sech vo James lad lah bezahle, da er uf dr Party mit ihre wott schlafe. Drum konfrontiert si d'Katya vor dr Partygsellschaft. D'Katya erklärt aber ner hässig, dass si Geld sammlet, um ar Jenny - als Dankeschön für d'Party - es Gschenk z'choufe. D'Michelle verliebt sech währendesse i Ukrainer Artem, wo be Jennys Familie wohnt. Uf dr Party findet si jedoch use, dass Artem eigentlech ä irische Ptrotestant us Belfast isch, wo mit siire Gruppe, wo nach Ibiza hei welle flüge, z'Derry verlore het. Us Angst vo dr katholische Bevölkerig in Derry git er sech als Ukrainer us. Nachdem si vor Erin beleidigt isch worde, entscheidet sech d'Katya für e Rescht vom Ufenthalt ber Jenny z'wohne. D'Muetter Mary u Tante Sarah entdecke währendesse, dass ihre Vater (Grossätti Joe) ä nöii Frou het kenneglert u si weg dem alles andere als begeischteret.
5	1	Folg 5	Episode Five	1. Feb. 2018	28. Dez. 2018	Michael Lennox	Lisa McGee
Am 12. Juli wei Erin u Orlas Familiene de Orange Walks (Märsch u Demonstratione vom protestantische Orange Order) usem Wäg gah. Si bschliesse, Nordirland für Ferie in Irland z'verlah. D'Michelle, d'Clare u dr James schliesse sech dr Reisegruppe ah. Ufem Wäg nach Irland bemerke si, dass es Mitlglid vor IRA, Emmett, sech i ihrem Kofferruum versteckt. Gerry u Granda Joe striite sech anere Rastätte drüber, ob si Emmett im Kofferruum über d Grenze sölle schmuggle odr nid. Wenn ja, riskiere sis, für vili Jahr ids Gfängnis z'Wandere. Innerhalb em Diner vor Raststätte, leit Sarah für d'Michelle Tarotcharte, was drzue füehrt, dass d'Michelle im Emmett ihre zuekünftigt Ehemaa gseht. Gerry u Joe striite sech wiiterhin über persönlechi Aasichte, was die ganzi Reisegruppe uf Tab haltet. Währendesse schlicht Emmett usem Diner, stilt verschideni Sache us Gerrys Outo u chlätteret i Kofferuum vomene andere Outo, wo gd dr Parkplatz verlaht.
6	1	Folg 6	Episode Six	8. Feb. 2018	28. Dez. 2018	Michael Lennox	Lisa McGee
Nachdäm bekannt wird, dass d'Chefredakteurin vor Schüelerzytig ernschthaft erchrankt isch, nimmt d'Erin ihri Rolle i. Di restleche Mitglider vor Schüelerzytig si hässig uf d'Erin u quittiere us Protest ihre Dienst, da si dr Poste us Respekt nid nöii hei welle vergäh. D'Erin engagiert churzerhand ihri Clique als Redaktionsteam. D'Erin gfindet ä anonyme Zettel vonere Schüelerin, uf dem si sech als lesbisch outet. Gege Clares Rat, veröffentlecht d'Erin dä Zettel ir Schüelerzytig. D'Usgab mitem Artikel The Secret of a Lesbian wird zwar vor Sister Michael zensiert, zieht aber trotzdäm sini Kreise, da d'Fründe d'Zytig - trotz em Verbot vor Sister Michael - verteile. D'Clare vetrout ar Erin später ah, dass si d'Verfasserin vom Brief sig. D'Erin wird ar Clare gegenüber sehr abfällig u seit ihre, si söll sech schäme. D'Clare hört drufabe uf sech mit dr Erin z'träffe, was ou James drzue brint^gt, meh Zyt mit dr Clare als mit dr Erin z'verbringe. Benere Talentshow i dr Schuel füehrt d'Orla zu Madonnas Like a Prayer (Pray i dr internationale Netflix-Version) ä Step-Aerobic-Tanz vor. D'Erin, d'Clare, d'Michelle u dr James füüre d'Orla zäme ah, was dr Striit vor Erin u ar Clare beendet. I dr Zwüschezyt gseh di nordirische Familiene i de Nachrichte, dass zwölf Persone benere Bombexplosion gstorbe si.

Bsetzig


Rolle	Schouspiler
Erin Quinn	Saoirse-Monica Jackson
Clare Devlin	Nicola Coughlan
Orla McCool	Louisa Harland
Michelle Mallon	Jamie-Lee O'Donnell
James Maguire	Dylan Llewellyn
Ma Marry	Tara Lynn O'Neill
Tante Sarah	Kathy Kiera Clarke
Da Gerry	Tommy Tiernan
Granda Joe	Ian McElhinney
David Donnelly	Anthony Boyle
Jenny Joyce	Leah O'Rourke
Katya	Diona Doherty
Father Peter	Peter Campion
Emmett	Terence Keeley

Weblink

Derry Girls i dr Internet Movie Database (englisch)
Derry Girls bi Rotten Tomatoes (englisch)
Derry Girls bi Fernsehserien.de

Dä Artikel basiert uff ere fräie Übersetzig vu dere Version vum Artikel „Derry_Girls“ vu de tüütsche Wikipedia. E Liste vu de Autore un Versione isch do z finde.