Jamie-Lee O'Donnell

D' Jamie-Lee O'Donnell isch ä irischi Schouspilerin us Nordirland. Meh kennt se vo ihrere Rolle als Michelle Mallon i dr Coming-of-Age-Serie Derry Girls.

Läbe

D'Jamie-Lee isch ine grossi Familie in Derry inegebore. Si het d'St Anne Primary School, ds St Cecilia's College u ds North West Regional College bsuecht.

Si het sho i junge Jahre i Schueltheaterstück afah Schouspilere. Nach ihrem Abschluss het si bschlosse d'Schouspilerei professionell z'verfolge, obwhol si säch kenni Schauspilschuel het chönne leiste. Wägedäm het si darstellendi Künscht a dr De Montfort Universität in Leicester gstudiert. Si het agfange vorspräche u het drbi ihri Zyt zwüsche England u deheime ufteilt. Si isch teil vo Theaterproduktione gsi u het als Tänzerin für Promotione u Pantomime gschaffet.

Karriere

Zwüsche 2012 u 2015 het si ihri erschti bedütendi Rolle als Eva Maguire, ä Protagonistin vo dr BBC2 NI-Serie 6Degrees, nachem Endi vo dr Serie het si i bim Film Urban & dr Shed Crew vo Candida Brandy mitgwürkt.

2018 het si inere Theaterproduktion namens I Told My Mum I Was Going on an RE Trip vor Julia Samuels, ä Houptrolle als minderjährigs Meitschi wo bschliesst säch äre Abtribig z'unterzieh gspilt. Im folgende Jahr het si sech ar Bsetzig vo Girls and Dolls agschlosse, ds Stück isch vo dr Derry-Girls-Schöpferin Lisa McGee. D'Jamie het ou i Martin McDonaghs The Cripple of Inishmaan am Gaiety Theatre mitgspilt.

Im gliiche Jahr het si d'Rolle vor Michelle Mallon ir Sitcom Derry Girls becho.

D' O'Donnell u ihri Co-Stars vo Derry Girls hei ar RTÉ-Spändeaktion RTÉ Does Comic Relief teilgnoh u hei zämme mit dr Saoirse Ronan ä Sketch ufgfüehrt. Dr gsamt Erlös vo dere Nacht isch a di Betroffnige vo dr COVID-19-Pandemie gange.

Privatläbe

D'Jamie wohnt mit ihrem Partner, em DJ Paul McCay, z'Derry. Si isch Patronin vor z'Liverpool asässige Jungendtheatergruppe 20 Stories High.

Filmografii

Film

• Urban & the Shed Crew, unter dr Regii vor Candida Brady (2015)

Fernseh

• 6Degrees - Fernsehserie, 18 Episode (2012–2015)
• Doing Money, unter dr Regii vor Lynsey Miller – TV Film (2018)
• Derry Girls – Fernsehserie, 12 Episode (2018–2022)
• The Fruit Fix – Online Churzfilm (Nov. 2020)

Referänze

1. "Derry Girls cast in real life: See Saoirse-Monica Jackson, Nicola Coughlan & Jamie-Lee O'Donnell out of character." HELLO!. 26 March 2019 (englisch).
2. "People expect me to be wild. They keep buying me shots! Derry Girls' Jamie-Lee O'Donnell on overnight fame." independent.ie. 26 August 2018 (englisch).
3. "Derry Girls star Jamie-Lee O'Donnell: 'I'm very proud to be from this city and we are all so happy to help put Derry on the map.'" Belfast Telegraph. 11 January 2018. Ufgrüefe am 20. Mai 2021 (englisch).
4. Ganatra, Shilpa (4 December 2018). "Derry Girl Jamie-Lee O'Donnell: 'I didn't realise I'd be so intimidated by fame.'" The Irish Times. Ufgrüefe am 20. Mai 2021 (englisch).
5. "Series 3 Cast Interview: Jamie-Lee O'Donnell." YouTube. 29 April 2015 (englisch).
6. "Jamie-Lee O'Donnell: pipe dreams and punchlines". Big Issue North. 3. Juli 2020. Ufgrüefe am 28. Juli 2020. (englisch)
7. "Nick Hern Books - Girls and Dolls By Lisa McGee" (englisch).
8. "Derry Girls' Star Jamie-Lee O'Donnell Signs With Gersh (Exclusive)". The Hollywood Reporter. Ufgrüefe am 28. Juli 2020 (englisch).
9. Ganatra, Shilpa (4 December 2018). "Derry Girl Jamie-Lee O'Donnell: 'I didn't realise I'd be so intimidated by fame.'" The Irish Times (englisch).
10. "Jamie-Lee O'Donnell interview (who plays Michelle) | Channel 4." www.channel4.com. Ufgrüefe am 28. Juli 2020 (englisch).
11. "Derry Girls cast fangirl over Ronan in hilarious sketch." 26 June 2020 (englisch).

Weblink

• Jamie-Lee O'Donnell i dr IMDb

Dä Artikel basiert uff ere fräie Übersetzig vu dere Version vum Artikel „Jamie-Lee_O'Donnell“ vu de änglische Wikipedia. E Liste vu de Autore un Versione isch do z finde.