Dütschlandlied

S Dütschlandlied (Deutschlandlied) oder au s Lied vo de Dütsche (Lied der Deutschen) isch e dreistrophigs Lied und isch sit 1922 ganz oder teilwys d Nationalhymne vo Dütschland.

Gschicht

Dr Teggscht isch vom August Heinrich Hoffmann von Fallersleben am 26. August 1841 uf dr Insel Helgoland dichtet worde. D Melodie isch d Kaiserhymne Gott erhalte Franz, den Kaiser vom Joseph Haydn vo 1797.

1922, zer Zyt vo dr Weimarer Republik, hett dr Riichspräsident Friedrich Ebert s Dütschlandlied mit allne drei Strophe zer Nationalhymne vom Dütsche Riich erklärt.

Unter dr Herrschaft vo de Nazis im Dritte Riich isch nume no die erschti Strophe gsunge worde, druffabe s nazionalsozialistische Horst-Wessel-Lied.

Vo 1945 bi 1952 het Dütschland kei Nationalhymne gha. Die stark nationalistische Tendänze im Dütschlandlied (v. a. in dr 1. und 2. Strophe), wo em im 19. Joorhundert und während dr Nazizyt vorherrschende dütsche Grossmachtdänke entsproche hän wie au d Verwändig vo dr 1. Strophe in Verbindig mit em Horst-Wessel-Lied dur d Nazis hän zunere kritische Ystellig gegenüber em Lied, bsunders de erschte beide Strophe gfiehrt.

1952 isch denn widr offiziell s Dütschlandlied - und zwar mit allne drei Strophe - als dütschi Nationalhymne ygfüert worde, allerdings mit dr Empfählig, nume no die 3. Strophe z'singe. Sit dr Wiidervereinigung 1991 isch offiziell nume no die 3. Strophe Nationalhymne.

Teggscht

• lueg: Text:Deutschlandlied

Weblinks

• Text und Ton vor Nationalhymne, Presse- und Informationsamt der Bundesregierung
• Hymne mit Text alose
• Deutsche Nationalhymne – „Die blödsinnigste Parole der Welt“, Spiegel Online, 24. Juni 2006